धर्म र संस्कृतिको रक्षा गर्नुपर्ने

रासस
चैत्र १९, २०७५
Kamal-Thapa-2

हेटौँडा, १९ चैत । राष्ट्रिय प्रजातन्त्र पार्टीका अध्यक्ष कमल थापाले मुलुकको राष्ट्रियता, राष्ट्रिय एकता र अखण्डताको रक्षाको निमित्त राजनैतिक शक्तिहरु दलगत स्वार्थभन्दा माथि उठ्नुपर्ने धारणा व्यक्त गरेका छन् ।

मकवानपुरको बकैया गाउँपालिकाको छतिवनमा मंगलवार आयोजित कार्यकर्ता भेलामा थापाले धर्म, संस्कृति र पहिचान रक्षाका निमित्त गाउँगाउँमा चेतनाको विकास हुन जरुरी भएको बताए । सो अवसरमा बारा र पर्सा जिल्लामा हावाहुरीले पु¥याएको जनधनको क्षतिप्रति थापाले दुःख प्रकट गरेका छन् । राप्रपा सहायक महामन्त्री राजाराम बर्तौलाले राप्रपालाई बलियो राष्ट्रवादी शक्ति बनाउन दृढता र सङ्कल्पसहितको नयाँ पुस्ता तयार गर्नुपर्ने औँल्याए ।

काङ्ग्रेसको चाहना धार्मिक स्वतन्त्रता–महामन्त्री कोइराला
पाल्पा, १८ चैत । नेपाली काङ्ग्रेसका महामन्त्री शशाङ्क कोइरालाले काङ्ग्रेसले कहिल्यै पनि हिन्दू राष्ट्र हुनुपर्छ भन्ने मान्यता नराखेको बताएका छन् ।


“धर्म स्वतन्त्र हुनुपर्छ, काङ्ग्रेसको चाहना पनि धार्मिक स्वतन्त्रता नै हो,” प्रेस युनियन पाल्पाद्वारा आज यहाँ आयोजित पत्रकार सम्मेलनमा महामन्त्री कोइरालाले भने । हिन्दू राष्ट्र जनतालाई चाहिन्छ भने जनताले नै आन्दोलन गर्नुपर्ने उनको भनाइ थियो ।
हावाहुरीबाट बारा–पर्सामा भएको धनजनको क्षतिप्रति दुःख व्यक्त गर्दै महामन्त्री कोइरालाले घाइतेको शीघ्र स्वास्थ्यलाभको कामना गरे । उनले मृतकका आफन्त र घाइते परिवारलाई उचित क्षतिपूर्ति दिन सरकारसँग माग गरे । बहुमत प्राप्त सरकारले जनतालाई आशाभन्दा पनि निराशा पैदा गराएको महामन्त्री कोइरालाले आरोप लगाए ।

Related News

सम्बन्धित समाचार

hero news full width