पोखरा कलेज अफ म्यानेजमेन्ट नदीपुरको २०१४ औ व्याचका विद्यार्थीहरुको ग्राजुएसन सेरमोनी (समारोह) आज पोखराको लेकसाइड स्थित अतिथि रिसोर्टमा सम्पन्न भयो । समारोहमा प्रमुख अतिथिको रुपमा मन्तव्य दिदैं शिक्षाविद जर्ज जोन ज्यू ले इमान्दारी, कडा परिश्रम र अनुशासनका तीन सुत्रहरुलाई आफुले अत्यन्त महत्व दिने बताउदै ग्राजुएट विद्यार्थीहरुले समेत यी तीन सुत्रहरुलाई व्यवहारमा अपनाउन सुझाव दिनुभयो ।

त्यसैगरी कलेजका प्राचार्य डा. चैतन्यराज अधिकारीले ग्राजुएट हुने विद्यार्थीहरुलाई बधाई ज्ञापन गर्दै उनीहरुको सफलतामा फयाकल्टी, अभिभावक र संचालक सवैको योगदान रहेको चर्चा गर्नुभयो ।

चेन्नाइवाट आउनुभएका आमसंचार विज्ञ ज्याकोव भर्गिजले ग्राजुएट भएका विद्यार्थीहरुले उचित समयमा उचित अवसर छोप्नका लागि जोखिम वहन गर्न डराउन नहुने राय व्यक्त गर्नुभयो । पोखरा कलेज अफ म्यानेज्मेन्टले आयोजना गरेको यो पहिलो ग्राजुएसन समारोहको अध्यक्षता कलेजका संचालक समितिका अध्यक्ष प्रा.डा. टंकनाथ शर्मा तिमिल्सिना ज्युले गर्नुभएको थियो भने कार्यक्रम संचालन कलेजका फयाकल्टी श्री सरोज कुँवरले गर्नुभएको थियो ।

कलेजको २०१४ व्याचमा विविए कार्यक्रमवाट ६३ जना विद्यार्थीहरु ग्राजुएट भएका थिए ।