पत्रकारलाई क्षमता विकासमा लाग्न आग्रह

रासस
चैत्र १६, २०७५

चितवन, १६ चैत । पत्रकारिता क्षेत्रको इतिहासलाई संस्थागत विकासका लागि एकीकृत भएर लाग्नु पर्नेमा सरोकारवालाले जोड दिएका छन् ।

नेपाल पत्रकार महासंघ चितवन शाखाले शनिवार यहाँ आयोजना गरेको पूर्व अध्यक्ष सम्मान एवम् संस्थागत विकासको सवाल विषयको छलफलमा जिल्ला समन्वय समिति चितवनका प्रमुख कृष्णकुमार डल्लाकोटीले समाज परिवर्तनसँगै पत्रकारिता क्षेत्रको संस्थागत विकासलाई पनि सँगसँगै लैजानुपर्ने बताए ।

महासंघका केन्द्रीय सदस्य सृजना अर्यालले अहिलेको समयमा क्षमता र संस्थागत विकास दुवैको विकास आवश्यक रहेको बताए । महासंघका अर्का केन्द्रीय सदस्य कृष्ण गिरीले पत्रकारिता क्षेत्रको संस्थागत विकाससँगै समाज रुपान्तरणका लागि पत्रकारले उल्लेखनीय भूमिका खेल्नु पर्ने बताए । पूर्व अध्यक्ष महेन्द्रराज श्रेष्ठ, जनक अर्याल, कृष्ण गिरी, हरिप्रसाद पोख्रेललाई सम्मान गरिएको थियो । महासंघको ६४ औं स्थापना दिवसका अवसरमा उनीहरुलाई सम्मान गरिएको हो ।

Related News

सम्बन्धित समाचार

hero news full width

मुख्य समाचार