बागलुङ, १६ चैत । एलपी ग्यास बिक्रेता संघ बागलुङको दोस्रो साधारणसभा शनिबार सम्पन्न भएको छ ।

साधारण सभाको शुभारम्भ गर्दै बागलुङ उद्योग बाणिज्य संघका अध्यक्ष युवराज राजभण्डारीले देशमा आर्थिकमन्दी लागेकै कारण व्यवसायी समेत आर्थिक समस्यामा परेका छन् ।

ब्यबसायीक हकहितको लागि आफू लागि परेको र व्यवसायीको हितमा पद छाडेर भएपनि आन्दोलनमा उत्रने आश्वासन उनले दिए । कार्यक्रममा राष्ट्रिय उपभोक्ता मन्चका अध्यक्ष शैलेन्द्र कुमार श्रेष्ठले एलपी ग्याँसबाट अहिले आम उपभोक्ताले सेवा पाइरहेको र यसलाई थप ब्यबस्थित गर्न जरुरी रहेको धारणा व्यक्त गरे ।

बागलुङ बजार भित्र बार्षिक एक लाख सिलिण्डर बिक्री बितरण हुने गरेको एलपी ग्याँस बिक्रेता संघ बागलुङका अध्यक्ष महेन्द्र आचार्यले बताए । कार्यक्रम स्वागत उपाध्यक्ष गुरुप्रसाद शर्मा र संचालन सचिव अगमकुमार पालिखेले गरेका थिए ।