पोखरा, १४ चैत । पोखरा महानगरपालिका वडा नं. १४ स्थित मनकामना टोलमा स्थापित मनोहर युवा क्लबको ७ औं अधिवेशन तथा १७ साधारण सभा हुने भएको छ ।

क्लबले अधिवेशनसँगै मनकामना टोलमा नै निर्माण गरेको मनोहर पार्कको पनि उद्घाटन गर्ने क्लबका सचिव रविकिरण पराजुलीले जनाएका छन् ।

अधिवेशनको उद्घाटन संघीय प्रतिनिधि सभा सदस्य एवं वरिष्ठ उद्योगपति, समाजसेवी सूर्यबहादुर के.सी.ले गर्ने भएका छन् ।
अधिवेशनको अवसर पारेर क्लबको खेलकुद क्षेत्र, क्लबले निर्माण गरेको मनोहर पार्कमा योगदान पु¥याउने व्यक्तित्वहरुलाई सम्मान गर्ने जनाएको छ भने अर्काेतर्फ क्लबले पोखरामा रहेर विभिन्न विधाको माध्यमबाट समग्र विकासमा योगदान पु¥याउने व्यक्तित्वहरुलाई समेत विशेष सम्मान गर्ने भएको छ ।

विशेष सम्मान अन्तर्गत शिक्षा तर्फ पृथ्वीनारायण क्याम्पसका संस्थापक क्याम्पस प्रमुख शिक्षाविद् जर्ज जोन, पत्रकारितातर्फ आदर्श समाज राष्ट्रिय दैनिकका प्रधानसम्पादक कृष्णप्रसाद बास्तोला, खेलकुदतर्फ पूर्व महिला राष्ट्रिय फुटवल खेलाडी सीता गुरुङलाई सम्मान गरिने क्लबका अध्यक्ष रामजी जि.सी.ले बताए ।