पोखरा, १३ चैत । म्याग्दी जिल्ला बेनी नगरपालिका–४ साङथुङमा बुधवार दिउसो जिप दुर्घटना हुँदा तीन जना घाइते भएका छन् ।

म्याग्दीको बंरजावाट सदरमुकाम बेनीबजार आउदै गरेको ग.१ज.६९७० नै को जिप साङथुङमा अनियन्त्रितभई सडकवाट १० मीटर तल खसेर दुर्घटनाग्रस्त भएको थियो ।

जिप दुर्घटनामा परी म्याग्दी मंगला गाउँपालिका–३ निवासी निवासी ४० बर्षीया ईन्द्रकुमारी घर्ती,सोही ठाँउनिवासी १९ बर्षीया बबिता घर्तीमगर,२९ बर्षीय होमबहादुर चोचाङ्गी घाइते भएका छन् । घाइतेहरुको जिल्ला अस्पताल म्याग्दीमा उपचार भइरहेको छ, भने जिप चालकलाई प्रहरीले नियन्त्रणमा लिएको छ । दुर्घटनाको वारेमा म्याग्दी प्रहरीले थप अनुसन्धान गरिरहेको छ ।