हेटौँडा, १३ चैत । मकवानपुर जिल्लाको मनहरीमा मदिरा तथा जुवातास रोक्न स्थानीयवासी सहमत भएको बुधवार आयोजित कार्यक्रममा बताइएको छ । मनहरी गाउँपालिकाद्वारा आयोजित गाउँस्तरीय अन्तरक्रियामा उक्त सहमति भएको हो ।
स्थानीय जनप्रतिनिधि, प्रशासन तथा बुद्धिजीवीको सहभागिता भएको अन्तरक्रियामा हिंसा र विकृति फैल्याउने मदिराजन्य तथा जुवातास रोक्न प्रतिबद्धता व्यक्त गरिएको हो । गाउँपालिकाले जुवातास तथा मदिराको समस्या निर्मूल पार्न सामुदायिक प्रहरी र स्थानीय जनप्रतिनिधिको समन्वयमा नौ वटा वडामा मदिरा तथा जुवातासविरुद्ध अभियान सञ्चालन गर्ने सहमति भएको हो ।
मदिरा र जुवातासबाट बालबालिका बिग्रिने, झैझगडा हुने, पारिवारिक कलह उत्पन्न हुनेजस्ता सामाजिक विकृति बढ्ने भएकाले त्यसलाई रोक्न उक्त कार्यक्रम गरिएको गाउँपालिकाका उपाध्यक्ष मनिला विष्टले बताए ।
यसैबीच सामुदायिक वन उपभोक्ता महासङ्घ मकवानपुरद्वारा आयोजित एक दिने विपद् व्यवस्थापन तथा जलवायु परिवर्तन अनुकूलता मूलप्रवाहीकरण गोष्ठी यहाँ सम्पन्न भएको छ । सामुदायिक विकास केन्द्र नेपालको सहयोगमा आयोजित गोष्ठीमा विपद् जोखिम न्यूनीकरण अवधारणा, औचित्य, वर्तमान अवस्थाको विश्लेषण, जलवायु परिवर्तन अनुकूलता र उपभोक्ता समूहको क्रियाकलापको विषयमा छलफल भएको थियो ।
गोष्ठीमा डिभिजन वन कार्यालय मकवानपुरका सहायक वन अधिकृत अच्युतप्रसाद लामिछाने, सामुदायिक वन उपभोक्ता महासङ्घ प्रदेश नं ३ का सदस्य रामहरी चौलागाईं, समसामायिक विकास केन्द्र नेपालका नवराज थापा तथा जिल्ला समन्वाय समिति मकवानपुरका उपप्रमुख भगवती पुडासैनीलगायतका वक्ताले विपद् व्यवस्थापनका लागि सरकारी र गैरसरकारी क्षेत्र एक साथ अगाडि बढ्नुपर्नेमा जोड दिए ।
Related News
सम्बन्धित समाचार
पुस्तक दिवसमा पुस्तक साटासाट
स्वदेश फर्किए कतारी अमिर
अधिकारी सरकारको मुख्य न्यायाधिवक्ता चिरन्जीवी शर्मा !
पोखराको चाउथेमा गएराति स्कुटर दुर्घटनामा एक किशोरीको मृत्यु
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
hero news full width
मुख्य समाचार
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१