२८ सहजकर्तालाई पुनर्ताजगी प्रशिक्षण

Avatar आदर्श समाज सम्वाददाता
चैत्र ११, २०७५

लमजुङ, ११ चैत । लमजुङमा पढाई शिविरका २८ जना सहजकर्तालाई पुनर्ताजगी प्रशिक्षण दिइएको छ ।

पढाई शिविरलाई थप प्रभावकारी र छापामय बनाउन शैक्षिक सामग्री निर्माण कार्यशालाको रूपमा उक्त तीन दिने प्रशिक्षण सञ्चालन गरिएको हो ।

पढाई शिविरमा इसिडीदेखि कक्षा– ३ सम्मका बालबालिकाले शनिबारको दिन २ घण्टा पढ्ने गर्दछन् । त्यस्तो शिविरको सञ्चालन गर्ने कार्य आरासिडिसीको शिक्षा परियोजना इकाईले गरेको हो । पढाई शिविरमा एउटा कक्षामा २० देखि २५ जना हुनुपर्ने अवधारणा छ, तर व्यवहारमा १५ देखि ३० जनासम्म रहेको आरसिडिसीका तालिम संयोजक रेणुका ठकुरीले बताइन् । उनका अनुसार प्रशिक्षण अवधिमा पढाई शिविरको अवधारणा अनुसार सहजकर्तालाई पढाई शिविरको कार्य योजना बनाउन लगाउनुको साथै पढाई शिविरलाई थप रोचक र प्रभावकारी बनाउन स्थानीयस्तरका रोचक र ज्ञानवद्र्धक कथा संकलन गर्न लगाउने, शिविरका मुख्य मुख्य क्रियाकलापको पुनर्ताजगी र नमूना अभ्यास गर्न लगाउने गरिएको बताए ।

त्यसका साथमा पढाई शिविरका समस्या र चुनौतिको बारेमा समिक्षा, पढाई शिविर सञ्चालनका लागि अभिभावक, विद्यार्थी, विद्यालय र सहजकर्ताहरूको भूमिकाको पुनरावलोकन गर्ने काम समेत गरिएको ठकुरीको भनाई छ । उनका अनुसार जिल्ला शिक्षा समन्वय इकाईको समन्वयमा उक्त तािलम सञ्चालन गरिएको हो । पढाईसँग सम्बन्धित विषयवस्तुलाई चित्रका माध्यमले बालबालिकालाई आकर्षण गर्नका लागि कक्षा कोठाको ८० प्रतिशत भागलाई छापामय बनाउनु पर्छ भन्ने अवधारण छ । त्यसै अवधारणको कार्यान्वयन गर्नका लागि यो तालिम दिइएको उनको भनाई छ । उत्साहजन रुपमा तालिम सम्पन्न भएको उनले उल्लेख गरिन् ।

लमजुङका तीन पालिकामा रहेका विभिन्न १० विद्यालय अन्तरग एक विद्यालयमा २देखि ५ वटासम्म पढाई शिविर सञ्चालन गरिएको छ । शिविरको सञ्चालन पछि बालबालिकामा सिकाईको स्तर निकै बृद्धि भएको पाइएको सुन्दरबजार नगारपालिका– ६ को खहरे स्थित विद्याज्योति माविका प्रधानाध्यापक सूर्य केसीले बताए । सो प्रशिक्षणमा सहभागी २८ जनामा २ जना पुरुष थिए । सो प्रशिक्षणका सहभागीहरूले कक्षा सञ्चालनमा देखिएका द्विविधा तथा केही अन्योलको स्थितिलाई सहज बनाउनु तालिमबाट मद्दत मिलेको बताएका छन् ।

तपाइको विचार व्यक्त गर्नुहोस्

हाम्रो सुझाव

दीगो विकासमा पानीको महत्व

संचारकर्मीको धर्ना कायमै

पोखराका तीन स्थानमा बम भेटियो, सैनिक नायक घाइते

संचारकर्मी गिरीको रिहाईको माग गर्दै धर्ना

प्रमुख समाचार

दीगो विकासमा पानीको महत्व

थप प्रमुख समाचार

संचारकर्मी गिरी साधारण तारेखमा रिहा

४५ अर्ब बराबरको औषधि कारोवार