किरियापुत्री पनि एसइइमा

Avatar आदर्श समाज सम्वाददाता
चैत्र ११, २०७५

लमजुङ, १० चैत। लमजुङमा यस वर्षको एसइइ परीक्षामा एक किरिया पुत्रीले जाँच दिएका छन्।

२ हजार ९ सय ९२ जना परीक्षार्थीमध्ये ३२ जना अनुपस्थित भएका हुन्।

एसइइ परीक्षाका लागि जिल्लामा १८ स्थानमा परीक्षा केन्द्र तोकिएको र सबै केन्द्रमा मर्यादित र सौहार्दपूर्ण वातावरणमा पहिलो दिनको परीक्षा सम्पन्न भएको जिल्ला शिक्षा समन्वय ईकाईका प्रमुख नारायण रेग्मीले बताए। उनका अनुसार यस वर्ष एक जना किरिया पुत्रीले समेत एसइइ परीक्षा दिएका छन्।

राम वैदिक संस्कृतिक गुरुकुल विद्यालय चितवन पिठुवाबाट फारम भरेका दरेश पौडेलले किरिया पुत्री हुनुपर्ने भएपछि गाउँमा आएर जिल्ला शिक्षा समन्वय ईकाईमा निवेदन दिई जिल्ला सदरमुकामस्थित जनविकास मावि परीक्षा केन्द्रमा एसइइ परीक्षा दिएका हुन्। उनले उक्त केन्द्रमा आफ्नो लागि पायक पर्ने उल्लेख गरेअनुसार उनका लागि परीक्षाको प्रवन्ध गरिएको जिल्ला शिक्षा समन्वय ईकाईका प्रमुख रेग्मीले बताए।

‘उनका अनुसार उनी बेसीशहर नगरपालिका–७ निवासी हुन्। उनको घर र परीक्षा केन्द्रको दुरी करिब १५ मिनेटको रहेको बुझिएपछि त्यसको जानकारी हामीले माथि दियौं उनी संस्कृतका विद्यार्थी भएको हुँदा गाह्रो हुन्छ कि? भन्ने लागेको थियो तर त्यस्तो भएन। हामीले हिँजै प्रश्न पत्र पायौं र उनलाई जानकारी दिएका थियौं। ’ उनले ढुक्कले परीक्षामा सहभागी भएको रेग्मीको भनाई छ।

जिल्लामा यस वर्षको एसइइ परीक्षामा दुई हजार नौ सय ५९ जना परीक्षार्थी सहभागी भएका छन्। अनुस्थित हुने ३२ जना परीक्षार्थीमध्ये १५ जना छात्र र १७ जना छात्रा भएको जिल्ला शिक्षा समन्वय ईकाईका प्रमुख रेग्मीले जानकारी दिए।

तपाइको विचार व्यक्त गर्नुहोस्

हाम्रो सुझाव

नागरिक समाज पोखराको ध्यानाकर्षण

कास्की २ उपनिर्वाचन तयारी

दर्जन पदमार्ग प्रवद्र्धन गरिँदै

प्रमुख समाचार

स्थानीय जनप्रतिनिधिले मासिक सुविधा लिने कानून बदर

थप प्रमुख समाचार

यातायात सम्बन्धी विधेयक प्रमाणिकरण

सडक महोत्सवको संयोजकमा बराल

स्वतन्त्रका राष्ट्रिय सल्लाहकार सम्मानित