पोखरा, १० चैत । सहारा क्लब पोखराद्वारा पोखरा १७ स्थित दोबिल्लामा रहेको सहारा एकेडेमीमा आश्रित १० जना बालक २०७५ सालको एसइईको परीक्षामा सहभागी भएका छन ।

एकेडेमीमा आश्रित २८ जना मध्ये १० जना परीक्षमा सहभागी भएका हुन । परीक्षमा शिशिर क्षेत्री, कुशल बुढा मगर, प्रवेश गुरुङ, कमल सुमाई मगर, सन्दीप क्षेत्री, शेखर भेटाल, निरज बिक, सुष्मान दुरा, निश्चल भण्डारी र सन्देश गुरुङ रहेका छन ।
उनीहरु सबै पोखरा– ३३ स्थित शिशु कल्याण माविमा अध्ययनरत छन । उनीहरुको केन्द्र भण्डारढिक स्थित जनप्रकाश उच्च मावि रहेको सहारा क्लबका पूर्व अध्यक्ष बिक्रम थकालीले बताए ।

उनीहरुले सोमवार पहिलो दिन अंग्रेजी विषयको परीक्षामा सहभागी भएका छन । सामवारदेखि सुरु भएको एसइर्ई परीक्षामा देशभरबाट कूल ४ लाख ७५ हजार तीन परीक्षार्थी सहभागी छन् ।

गण्डकी प्रदेशबाट ४८ हजार ६३ सहभागी रहेका छन । देशभर बाट दुई लाख ३६ हजार ४ सय ४५ छात्र र २ लाख ३८ हजार ५ सय ५८ छात्रा छन् ।