बाग्लुङ, ९ चैत । आदर्श सञ्चार सहकारी संस्था लिमिटेड बागलङले शेयर सदस्य महेन्द्र बहादुर कार्कीका पिता र तारा कुमारी कार्कीका ससुरा बाबाको निधनप्रति दुख व्यक्त गर्दै श्रद्वाञ्जलि सभा सम्पन्न गरेको छ ।

बागलुङ नगरपालिका– तितौरे निवासी गंगा बहादुर कार्कीको फागुन २९ गते ८१ वर्षको उमेरमा निधन भएको थियो । संस्थाले शेयर सदस्य तथा सदस्यका परिवारको निधनमा प्रदान गरिने मृत्यु राहत रकम पनि हस्तान्तरण गरेको छ ।

संस्थाका अध्यक्ष हुमाकुमारी जिसी (अञ्जु), संस्थाका सल्लाहकार तथा काठेखोला गाउँपालिकाका अध्यक्ष अम्मर बहादुर थापा, पूर्व उर्जा राज्य मन्त्री रामजी प्रसाद शर्मा, बागलुङ नगरपालिका वडा नम्बर–४ का वडा अध्यक्ष ध्रव बहादुर के.सीले संस्थाको नियम अनुसार सेयर सदस्यका परिवारका सदस्यको निधनमा प्रदान गरिने ५ हजार दरले दुई जनाको १० हजार रुपैया परिवारका सदस्य छोरी कृष्णा कुमारी थापालाई हस्तान्तरण गरेका थिए ।