पोखरा, ९ चैत । पोखरा– २३ का आदिवासी जनजातिलाई उद्घोषण तालिम प्रदान गरिएको छ ।

वडा नं. २३ को सहयोगमा आदिवासी जनजाति समन्वय समिति वडा नं.२३ द्धारा आयोजित तीनदिने तालिमको वडाका कार्यबाहक अध्यक्ष भरतराज भण्डारीले शुक्रवार उद्घाटन गरेका छन् ।

तालिमको शुभारम्भ गर्दै भण्डारीले जनजातिको बोली ठाँउमा पुग्न नसकिरहेको अवस्थामा उद्घोषण तालिम फलदायी हुने विश्वास व्यक्त गरे ।

कार्यक्रमको अध्यक्षता ग्रहण गर्दै आदिवासी जनजाति समन्वय समितिका अध्यक्ष रनबहादुर रानाले विगतदेखि आदिवासी विभेदमा पारिदै आएकाले अब समान अधिकार पाउनुपर्ने बताए । समितिका उपाध्यक्ष धनबहादुर गुरुङले आदिवासी जनजातिहरु कसै अन्याय सहदैनन, अब गोरे बहादुर खपाङ्गी, डा.हर्क गुरुङ, डा.महावीर पुन जस्तो बन्नुपर्ने बताए । ३५ जना सहभागी रहेको तालिमको सहजीकरण हुमबहादुर गुरुङ, रुद्र श्रीस मगरले गरेका छन् ।