पोखरा, ९ चैत । पोखरा–१७ स्थित छोरेपाटन माध्यमिक विद्यालयका सहायक प्रधानाध्यापक बद्रीनाथ पहारीलाई विदाई गरिएको छ ।

चालीस ४० वर्षदेखि निरन्तर अध्यापन गराउँदै आएका पहरीले २०३९ सालदेखि विज्ञान र गणित विषय पढाउनुका साथै विद्यालय व्यवस्थापन समितिको सदस्य, मानविकी संकायको प्रमुख, सूचना अधिकारी लगाएतका महत्वपुर्ण पदमा रही जिम्मेवारी समाल्दै आएका थिए ।

विदाई कार्यक्रममा पोखरा १७ का वडाध्यक्ष तीर्थराज अधिकारी, विव्यस सदस्यहरु राधिका योगी, देवराज आचार्य र रीता सुवेदी, विद्यालयका प्रधानाध्यापक लक्ष्मण थापा, पूर्व अध्यक्ष श्रीराम सुवेदी, मानविकी संकाय प्रमुख खेमराज वराल, तहगत संयोजकहरु लक्ष्मी देवकोटा, विजया सुवेदी, पूर्व शिक्षिका तारा काफ्ले, विद्यार्थी सूचना रिजाल र अन्जना सुवेदीले वोलेका थिए ।

विव्यस अध्यक्ष झपिन्द्र राज रेग्मीको अध्यक्षतामा भएको कार्यक्रममा स्वागत सहायक प्रधानाध्यापक डिल्लीराम शर्माले र संचालन व्यवस्थापन तथा विज्ञान संकाय प्रमुख मेघनाथ पौडेलले गरेका थिए ।