पोखरा, ७ चैत।देशको विकासका लागि सुशासन आवश्यक रहेकोमा एक कार्यक्रमका वक्ताले जोड दिएका छन्।
कास्कीको रूपा गाउँपालिकामा आयोजित भ्रष्टाचार नियन्त्रण र सुशासन प्रबद्र्धनमा जनप्रतिनिधिको दायित्व र भूमिका विषयक अन्तरक्रिया कार्यक्रमका वक्ताहरुले उक्त कुरामा जोड दिएका हुन्।
भ्रष्टाचार विरुद्धको नागरिक निगरानी संस्था कास्की र अख्तियार दुरुपयोग अनुसन्धान आयोगको कार्यालयद्वारा संयुक्त आयोजित उक्त कार्यक्रममा रुपा गाउँपालिकाका जनप्रतिनिधिको विशेष सहभागिता थियो।
कार्यक्रममा वरिष्ठ अधिवक्ता तिलक पराजुलीले राजनीतिकर्मी भ्रष्टाचार विरुद्धसचेत भई दिए अरु कसैले भ्रष्टाचार गर्ने आँटै गर्न नसक्ने बताए।
उनले नेताहरुले चाणक्यले राष्ट्रप्रति देखाएको इमानदारिताको सिको गर्नुपनेर्मा जोड दिँदै राजनीतिकर्मीको व्यवहारकै कारण संघीय व्यवस्थाप्रति जनतामा विश्वास गिर्दै आएको धारणा राखे।
प्रा.डा. वेदनाथ शर्माले सुशासनबारे जानकारी गराउँदै भ्रष्टाचारका प्रवृत्तिबारे उल्लेख गरे।
ओम विकास बैंकका प्रमुख कार्यकारी अधिकृत विश्वमोहन अधिकारीले जनप्रतिनिधिले योजना अनुरुप काम गर्नुपर्ने र गरेका खर्च पारदर्शी हुनुपर्ने बताए।
अख्तियार दुरुपयोग आयोग पोखराका निमित्त कार्यालय प्रमुख तथा सूचना अधिकारी रमेश ढकालले कतै भ्रष्टाचार भएको थाहा पाएमा टेलिफोन, इमेल तथा पत्र आदिबाट अख्तियारमा सहज रुपमा उजुरी गर्न सकिने उल्लेख गर्दै उजुरी नभए पनि अनुगमन वा निगरानी हुने गरेको बताए।
धन्यवाद ज्ञापन गर्दै रुपा गाउँपालिकाका अध्यक्ष नवराज बरालले निर्वाचनमा टिकट पाएदेखि नै जनप्रतिनिधिलाई विभिन्न किसिमबाट भ्रष्टाचारमा फसाउने षडयन्त्र हुने गरेको अनुभव आफूलाई भएको जानकारी गराउँदै गाउँपालिकाको रकम दुरुपयोग हुन नदिन सचेत रहेको बताए।
साथै, उनले जनप्रतिनिधिलाई बुद्धिजीवी विज्ञको सुझाव आवश्यक रहेको धारणा राखे। नागरिक निगरानीका अध्यक्ष आनन्दराज मुल्मीले कार्यक्रममा सहजीकरण गरेका थिए।
Related News
सम्बन्धित समाचार
अमरसिंह माविको ६८ औं वार्षिकोत्सव
कास्की कारागारमा आँखा शिविर, १ सय ८८ जनाको आँखा परीक्षण
कालीगण्डकी कोरिडोरः १५ महिनापछि बेनी–मालढुंगाखण्ड निर्माणमा प्रगति
पोखरा १२ मा सहरी स्वास्थ्य केन्द्रको भवन शिलान्यास
संघका कर्मचारीसँग मुख्यमन्त्री आजित !
hero news full width
मुख्य समाचार
असुरक्षित टहरामा बस्न वाध्य सुरक्षाकर्मी
गण्डकी सरकारले २०८१ मा ३ दिन बिदा दिने
चैत्र १५, २०८०किरिया बसेका दाजुभाइ परीक्षामा
चैत्र १५, २०८०सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०