कविता गाउँ लुम्लेमा काव्यगोष्ठी तयारी

आदर्श समाज सम्वाददाता
चैत्र ७, २०७५
Poetry village_Fotor

पोखरा,  ६ चैत। नेपालको एकमात्र कविता गाउँ कास्कीको लुम्लेमा काव्यगोष्ठी हुने भएको छ।

कविता गाउँ लुम्लेको आयोजनामा १० औं स्थापना दिवस पारेर विविध साहित्यिक कार्यक्रम आयोजना गर्न लागिएको हो।

संस्थाले सो अवसरमा नेपाल प्रज्ञा प्रतिष्ठानमा पोखराबाट प्राज्ञ सदस्य चयन प्राज्ञलाई सम्मान,  विद्यालयस्तरीय कविता प्रतियोगिता,  गण्डकी प्रदेशस्तरीय कवि गोष्ठी र विविध सांस्कृतिक कार्यक्रम आयोजना गर्न लागेको संस्थाका सचिव सुनिल देवकोटाले जानकारी दिए।

समितिले समारोह सफल पार्न संस्थाका अध्यक्ष चूडामणि देवकोटाको संयोजकत्वमा मूल आयोजक समितिसमेत गठन गरेको छ।

समितिले विद्यालयस्तरीय कविता प्रतियोगिताका लागि संस्थापक अध्यक्ष भक्तिराम देवकोटा र प्रदेशस्तरीय कवि गोष्ठीका लागि सचिव सुनिल देवकोटाको संयोजकत्वमा उपसमिति गठनसमेत गरेको छ।

स्मरण रहोस्,  कवि तथा गीतकार विनोद गौचनको परिकल्पनामा २०६५ सालको चैत १५ गते विशेष समारोहका साथ लुम्लेलाई कविता गाउँ घोषणा गरिएको थियो।

कविता गाउँ घोषणापछि स्थापना भएको समितिले शुरुआती दिनमा हरेक वर्ष विविध वाङ्मयिक गतिविधि र चैतमा विशेष कार्यक्रमका साथ स्थापना दिवस मनाउँदै आएको छ। पछिल्लो समय विनोद गौचनको स्वर्गारोहणपछि पुस २० गते श्रद्धाञ्जली सभालगायत कार्यक्रम गर्दै आएको संस्थाका कोषाध्यक्ष खुसीमान गुरुङ बताउँछन्।

सिद्ध आधारभूत विद्यालय लुम्लेको प्राङ्गणमा चैत १६ मा सो कार्यक्रम हुनेछ। कार्यक्रमस्थल पुग्न पोखराको हरिचोकबाट बिहान १०:१५ बजे बसको समेत व्यवस्था गरिएको कविता गाउँ लुम्लेका परिकल्पनाकार विनोद गौचनका दाजु विश्वमोहन गौचनले बताए।

Related News

सम्बन्धित समाचार

  • ‘आधा शिर उचालेर’ को चर्चा

    आदर्श समाज सम्वाददाता मंसिर ११, २०७९
    पोखरा । कवि ज्योति जंगलको कविता कृति ‘आधा शिर उचालेर’ माथि पोखरामा शनिबार परिचर्चा गरिएको छ । कविता क्लब नेपालको…
  • ‘केपी ओली’ नामक भिडियो सार्वजनिक

    आदर्श समाज सम्वाददाता कार्तिक २२, २०७९
    पोखरा, २२ कात्तिक । राष्ट्रिय युवा संघ नेपाल गण्डकी प्रदेश सहसंयोजक विकास अधिकारीले चुनाव केन्द्रित ‘केपी ओली’ नामक गीति भिडियो…
  • लेखक संघ गण्डकीमा ईश्वरमणि अधिकारी

    आदर्श समाज सम्वाददाता कार्तिक २०, २०७९
    पोखरा ।  नेपाली लेखक संघ गण्डकी प्रदेशको प्रथम अधिवेशन तथा गण्डकी काव्य गोष्ठी सम्पन्न भएको छ । अधिवेशनले डा. ईश्वरमणि…
  • मुकुन्दशरणलाई माधव वियोगी पुरस्कार

    आदर्श समाज सम्वाददाता कार्तिक २०, २०७९
    पोखरा । पोखरेली स्रष्टा छन्दनायक एवं महाकाव्यकार माधव वियोगीको नाममा स्थापित माधव वियोगी साहित्य पुरस्कार कविवर मुकुन्दशरण उपाध्यायलाई प्रदान गरिने…
  • गण्डकी बहुप्राविधिक शिक्षालयमा वादविवाद सम्पन्न

    आदर्श समाज सम्वाददाता कार्तिक १७, २०७९
    पोखरा । गण्डकी बहुप्राविधिक शिक्षालय, भण्डारढिकमा वादविवाद प्रतियोगिता सम्पन्न भएको छ । ‘सामाजिक सञ्जाल अभिशाप नभई वरदान’ शीर्षकमा सो वादविवाद…

hero news full width