यो वेबसाइट आदर्श समाज राष्ट्रिय दैनिकको आधिकारिक न्युज पोर्टल हो । नेपाली तथा अङग्रेजी भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

आदर्श समाज राष्ट्रिय दैनिकको यस क्षेत्रमा आफ्नो छुट्टै पहिचान छ। यस क्षेत्रमा यो एक सर्वाधिक पढिने पत्रिका भएको छ। ‘समुन्नतिका लागि स्वतन्त्र पत्रकारिता’ नाराका साथ अघि बढेको यस पत्रिकाले नारा अनुसार व्यवहारमा पनि स्वतन्त्र रहेर पत्रकारिताको धर्म निर्वाह गरिरहेको छ।

सिद्धार्थ स्मृति भलिबल मैदानको स्तरोन्नति गरिने

रासस
चैत्र ७, २०७५

पोखरा, ६ चैत। कास्कीको रुपा गाउँपालिका वडा ६, मोहोरीयास्थित सिद्धार्थ स्मृति भलिबल मैदानको स्तरोन्नति गरिने भएको छ।

खेल मैदान स्तरोन्नतिका लागि रुपा गाउँपालिकाले पाँच लाख रुपैयाँ छुट्याएको छ।

जिल्ला समन्वय समिति कास्कीका अध्यक्ष बैनबहादुर क्षत्री अधिकारीले उक्त निर्माण कार्यको शुभारम्भ गर्दै खेल माध्यमबाट पर्यटनको विकासका साथै समृद्धिसँग जोडिनुपर्ने आवश्यकता औल्याए।

यस्तै, रुपा गाउँपालिकाको प्रशासनिक भवन र वडा कार्यालय स्थापनाका लागि समन्वय समितिको कोषबाट चार करोड रुपैयाँँ विनियोजन गरिएको गाउँपालिकाका अध्यक्ष नवराज ओझाले बताए।

खेलमैदान उपभोक्ता समितिका अध्यक्ष सन्दीप गुरुङका अनुसार ग्रामीण क्षेत्रको महत्वपूर्ण एवम् लोकप्रिय खेल भलिबल खेलको विकासको लागि भौतिक पूर्वाधारको खाँचो औल्याए।

गाउँपालिकाका केन्द्रमा रहेको सो भलिबल खेल मैदान फराकिलो वनाउने कार्य भई रहेको सिद्धार्थ क्लबका अध्यक्ष जीवबहादुर थापाले जानकारी दिए।

सो अवसरमा भलिबलका क्षेत्रमा महत्वपूर्ण योगदान गरेकोमा भलिबलका राष्ट्रिय टिम क्याप्टेन ईमबहादुर रानामगरलाई कदर गरिएको छ।