पोखरा,  ६ चैत। पोखरा महानगरपालिका वडा ८ स्थित हातेमालो नागढुङ्गा आमा समूहले फागुपूर्णिमाको अवसरमा बुधबार शुभकामना आदानप्रदान कार्यक्रम गरेको छ।

कार्यक्रममा आमा समूहका सदस्यको सहभागिता थियो।

त्यस अवसरमा काँग्रेस नेतृ सरस्वती गुरुङ र नेपाल प्रेस युनियन कास्कीका नवनिर्वाचित अध्यक्ष नवीन सिग्देललाई सम्मान गरिएको थियो।

हातेमालो आमा समूहकी अध्यक्ष गीता पँगेनी पौडेल,  सचिव मीना ढकाल लगायतले उनीहरुलाई माला र दोसल्ला ओढाएर सम्मान गरेका थिए।

कार्यक्रममा काँग्रेस नेता वीरेन्द्रनारायण बिजुक्छे,  नेतृ सरस्वती गुरुङ र नेपाल प्रेस युनियन कास्कीका अध्यक्ष नवीन सिग्देलले मेलमिलाप र एकताको अहिलेको आवश्यकता भएकोमा जोड दिएका थिए।

हातेमालो नागढुङ्गा आमा समूहकी अध्यक्ष गीता पँगेनी पौडेलको अध्यक्षतामा भएको कार्यक्रम सचिव मीना ढकालले संचालन गरेकी थिइन्।