महिला साफ फुटबल उपाधिका लागि आयोजक नेपाल र डिफेण्डिङ च्याम्पियन भारत फाइनल भिड्ने

narayan shahi नारायण शाही
चैत्र ६, २०७५

पोखरा, ६ चैत । पाँचौँ साफ महिला फुटबल प्रतियोगिता उपाधिका लागि आयोजक नेपाल र डिफेण्डिङ च्याम्पियन भारत फाइनल भिड्ने भएको छ ।

बुधबार भएको पहिलो सेमिफाइनलमा नेपालले श्रीलंकालाई ४–० को फराकिलो गोल अन्तरले पराजित गरी फाइनलमा प्रवेश गरेको हो ।

त्यस्तै, डिफेण्डिङ भारतले गत संस्करणको उपविजेता बंगलादेशलाई समान ४–० को फराकिलो गोल अन्तरले पराजित गर्दै फाइनल पुगेको हो ।

विराटनगरस्थित सहिद रंगशालामा भएको खेलमा पुनम जर्घामगर, अनिता बस्नेत, सावित्रा भण्डारी र रेखा पौडेलले गोल गरेका हुन् । नेपालकी जर्घामगरले खेलको ४२ औँ मिनेटमा पहिलो गोल गरिन भने ७३ औँ मिनेटमा बस्नेतले गोल गर्दै नेपालको अग्रता २–० अगाडि बढाइन् ।

यसैगरी खेलको ८२ औँ मिनेटमा भण्डारीले हेडिङमार्फत् तेस्रो गरेकी थिइन् भने ८६ औँ मिनेटमा पौडेलले गोल गर्दै नेपाललाई ४–० गोल अन्तरले विजयी बनाई टोलीलाई फाइनल यात्राको सुनिश्चित गराइन् ।

पौडेल ६४ औँ मिनेटमा कप्तान निरु थापाको बदलामा मैदानमा प्रवेश गरेकी हुन् । नेपालले शुरुआतदेखि नै आक्रामक खेलेको थियो ।

भारतको जितमा ईन्दुमती, दलिमा र मनिषाको योगदान रह्यो । भारतले खेलको शुरुवाती १८ औं मिनटमै बंगलादेशी गोलरक्षकको गल्तीको फाइदा उठाउँदै दलिमा चिब्बेरले भारतका लागि पहिलो गोल गरिन् । त्यस्तै पहिलो हाफकै २२ र ३७ औं मिनटमा इन्दुमती कथिरेशनले लगातार दुई गोल गर्दै भारतको अग्रता तेब्बर बनाइन् । खेलको इञ्जुरी समयमा मनिषाले चौथो गोल गर्दै भारतीय टोलीको फाइनल यात्रा सुनिश्चित गरिन् ।

यस संस्करणसँगै भारत लगातार पाँचौ पटक महिला साफ च्याम्पियनसिपको फाइनल पुग्न सफल भएको छ । भारतले लगातार चार वटै संस्करणको उपाधि भित्राएको छ । यस संस्करणको उपाधिसमेत आफ्नो पक्षमा पार्ने भारतको दाउमा छ ।

नेपाल भने चौथो पटक फाइनल पुगेको हो । यस पटक नेपाल महिला साफ च्याम्पियनसिपको उपाधि उचाल्ने दाउमा छ । आगामी शुक्रबार, नेपाल र भारतले उपाधिका लागि प्रतिस्पर्धा गर्नेछ ।

तपाइको विचार व्यक्त गर्नुहोस्

हाम्रो सुझाव

पुरुषतर्फको ह्याण्डबल प्रतियोगिता शुरु

लन टेनिसमा विभागीयको वर्चश्व

गण्डकीबाट खेलाडीको बिदाइ

बेलबोटको उपाधि टी गाइज् हेमजालाई

पर्यटक दौडमा अमेरिकाका ब्रायन प्रथम

प्रमुख समाचार

दीगो विकासमा पानीको महत्व

थप प्रमुख समाचार

संचारकर्मी गिरी साधारण तारेखमा रिहा

४५ अर्ब बराबरको औषधि कारोवार