वडाध्यक्ष पौडेललाई मातृशोक

Avatar आदर्श समाज सम्वाददाता
चैत्र ६, २०७५

पोखरा–६ चैत । पोखरा– १९ का वडाध्यक्ष शोभामोहन पौडेललाई मातृशोक परेको छ ।

पोखरा महानगरपालिकाका सचेतक समेत रहेका पौडेलका ८२ वर्षिया आमा पार्वती पौडेलको मंगलबार अपरान्हृ आफ्नै निवास पोखरा–१६ दीपमा निधन भएको हो । लामो समयदेखि मुटु सम्वन्धी रोगबाट ग्रस्त पौडेल केही समयदेखि मणिपाल शिक्षण अस्पतालमा उपचाररत थिइन् । उनको लामाचौरस्थित गोस्तेघाटमा अन्त्येष्टि गरिएको छ ।उनको शवमा जेठा छोरा शोभाखर पौडेलले दागबत्ती दिएका थिए ।

स्वर्गीय पौडेललाई गण्डकी प्रदेशका मुख्यमन्त्री पृथ्वीसुब्बा गुरुङ, आर्थिक मामिला तथा योजना मन्त्री किरण गुरुङ,पुर्व मन्त्री एवं सांसद खगराज अधिकारी, गण्डकी प्रदेशका सांसद रामजी वराल, कुमार खड्का,पुष्पा के.सी भण्डारी, ने.क.पाका नेताहरु श्रीनाथ वराल, राजकाजी गुरुङ, चुडामणि जङ्गली, भीम कार्की लगायतले स्वर्गीय पौडेलको निवासमा पुगी अन्तिम श्रद्वाञ्जलि दिएका थिए ।

स्वर्गीय पौडेलका ९३ वर्षीय श्रीमान वलराम, २ छोरा शोभाखर, शोभामोहन छोरी रमा अधिकारी, २ वुहारी र ८ जना नाति नातिना छन् ।

तपाइको विचार व्यक्त गर्नुहोस्

प्रमुख समाचार

पुण्य कमाउने नाममा बाल विवाह