पोखरा, ६ चैत । स्वतन्त्र पत्रकार संघ, नेपालले वरिष्ठ पत्रकार भैरव रिसाललाई सामाजिक पत्रकारिता पुरस्कार प्र्रदान गरेको छ । संघको आठौं वार्षिकोत्सवको अवसरका बुधबार पोखरामा आयोजित एक कार्यक्रमबीच रिसाललाई उक्त पुरस्कार वितरण गरेको हो ।
स्वतन्त्र पत्रकार संघ, नेपालद्धारा सञ्चालित र पोखराका समाजसेवी लिलाभक्त आचार्य र उनका परिवारद्धारा स्थापित पहिलो पुरस्कारबाट रिसाललाई प्रदान गरिएको हो । गण्डकी प्रदेशका मुख्यमन्त्री पृथ्वीसुब्बा गुरुङले दोसल्ला ओढाएर २५ हजार नगदसहित सम्मानपद्धारा रिसाललाई सम्मान गरेका हुन् ।
२०८५ साउन १९ गते भक्तपुरको तिथलीमा जन्मिएका रिसालले २०१३ देखि हालखबर साप्ताहिकबाट पत्रकारिता शुरु गरेका थिए । ९१ वर्षको उमेरमा पनि पत्रकारिता र सामाजिक कार्यमा कृयाशील भैरव रिसाल वातावरण पत्रकारिताका अग्रज मानिन्छन् ।
पाँच वर्षअघि आचार्य परिवारद्धारा पुरस्कारका लागि ५ लाखको अक्षयकोष स्थापना गरेका थिए । पोखराका अग्रज पत्रकार नारायण कार्कीको संयोजकत्वमा गठित प्रतिभा छनोट समितिले रिसाललाई उक्त पुरस्कारका लागि चयन गरेको थियो । संयोजक कार्कीसहित स्वतन्त्र पत्रकार संघ, नेपालका अध्यक्ष कृष्णप्रसाद वास्तोला, महासचिव नवराज पहाडी, बुद्धिजीवी विश्वकल्याण पराजुली र पत्रकार दुर्गा अधिकारीसहितको ५ सदस्यीय प्रतिभा छनोट समिति गठन गरिएको थियो ।
त्यस्तै, स्वतन्त्र पत्रकार संघले समाजसेवी सूर्यनाथ उपाध्याय तथा परिवारद्धारा स्थापना गरेको महिला पत्रकारिता सम्मानबाट धरानकी महिला पत्रकार मनिता चाम्लिङ रार्ईलाई सम्मान ग¥यो । मुख्यमन्त्री पृथ्वीसुब्बा गुरुङले दोसल्ला ओढाएर ५ हजार नगदसहित सम्मानपत्रद्धारा सम्मान गरेका हुन् ।
सुनसरी जिल्लाको धरानमा जन्मिएकी पत्रकार मनिता चाम्लिङ राईले २०५३ देखि सिरेटो साप्ताहिकबाट पत्रकारिता शुरु गरेकी हुन् । यसअघि, उक्त पुरस्कारबाट दुर्गा अधिकारी र शिला गुरुङ सम्मानीत भइसकेका छन् ।
Related News
सम्बन्धित समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
hero news full width
मुख्य समाचार
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१