यात्रा अङ्क ९ लोकार्पण

आदर्श समाज सम्वाददाता
चैत्र ६, २०७५
yatra_Fotor

हेमजा, ५ चैत। शिक्षाशास्त्र संकाय, स्नातकोत्तर तह, नेपाली शिक्षा विभाग, पृथ्वीनारायण क्याम्पसद्वारा वार्षिक प्रकाशन हुँदै आएको भाषिक अनुसन्धानमूलक पत्रिका यात्रा ९ औं अङ्क लोकार्पण भएको छ।

पत्रिकाको लोकार्पण गर्दै पृथ्वीनारायण क्याम्पसका क्याम्पस प्रमुख प्राडा चन्द्रबहादुर थापाले पत्रिकाको नियमित प्रकाशन हुँदैआउनु खुसीको कुरा भएको औँल्याए। उनले यसलाई निरन्तरता दिनुपनेर्मा जोड दिए। साथै विद्यार्थीलाई सिर्जनशील बन्न आग्रह गरे।

विभागीय प्रमुख प्राडा रामचन्द्र पोखरेलले यात्रा समूह गठनको छोटो अवधिमै पत्रिका प्रकाशन गरेकोमा विद्यार्थीप्रति धन्यवाद दिँदै विभाग पत्रिका प्रकाशनमा सधैँ हालेमालो गर्न तयार रहेको बताए। उनले नेपाली विषय पढेकोमा आफूलाई गर्व लाग्ने गरेको अनुभव पनि सुनाए। यात्रा पत्रिकाको नाममा स्थापित अक्षयकोष चाँडै नै वितरणको सोचमा विभाग रहेको पनि उनले जनाएका थिए।

पूर्व विभागीय प्रमुख प्राडा यदुनन्दन उपाध्यायले २०६६ सालदेखि पत्रिकाले निरन्तरता पाएकोमा खुसी व्यक्त गर्दै यात्रा पत्रिकामा अनुसन्धानमूलक लेख बढाउनुपर्ने सुझाव दिए।

सह–प्राध्यापक डा नरहरि उपाध्याय गौतमले नेपाली शिक्षा विभागलाई परिचय दिने काम पत्रिकाले गरेको भन्दै विद्यार्थीले ज्ञानको क्षेत्रलाई फराकिलो बनाउनुपर्ने आवश्यकता औँल्याए। सह–प्राध्यापक डा बाबुराम अधिकारीले विभागका सदस्य पनि पत्रिकामार्फत् एकजुट हुन पाएको भन्दै प्रशंसा गरे। उनले पत्रिकाको लोकार्पण विभागको चाड भएको पनि औँल्याएका थिए।

सल्लाहकार चोलाकान्त ओझाले पत्रिका मार्फत विद्यार्थीको मेहनत परिस्कृत हुँदै गएको भनाइ राखे। पूर्व अध्यक्ष श्रीभद्र पौडेलले पत्रिकाको चिनारीमा अक्षयकोषले टेवा पुर्याउने विश्वास व्यक्त गरे।

पत्रिका समीक्षा गर्दै उप–प्राध्यापक केशवशरण पराजुलीले परिमाणात्मक र गुणात्मक दुवै दृष्टिले पत्रिका सन्तुलनमा आएको चर्चा गर्दै शीर्षकीय मर्म अनुसार नै लेख आएको भनाइ राखे। उनले भाषिक सम्पादनमा कतिपय त्रुटी रहेको औँल्याए।

यात्रा समूहका अध्यक्ष जीवनराज सापकोटाको अध्यक्षतामा भएको उक्त कार्यक्रममा सदस्य वन्दना थापाले स्वागत, सचिव देवी पौडेलले कार्यक्रम संचालन गरेकी थिइन्।

Related News

सम्बन्धित समाचार

  • ‘आधा शिर उचालेर’ को चर्चा

    आदर्श समाज सम्वाददाता मंसिर ११, २०७९
    पोखरा । कवि ज्योति जंगलको कविता कृति ‘आधा शिर उचालेर’ माथि पोखरामा शनिबार परिचर्चा गरिएको छ । कविता क्लब नेपालको…
  • ‘केपी ओली’ नामक भिडियो सार्वजनिक

    आदर्श समाज सम्वाददाता कार्तिक २२, २०७९
    पोखरा, २२ कात्तिक । राष्ट्रिय युवा संघ नेपाल गण्डकी प्रदेश सहसंयोजक विकास अधिकारीले चुनाव केन्द्रित ‘केपी ओली’ नामक गीति भिडियो…
  • लेखक संघ गण्डकीमा ईश्वरमणि अधिकारी

    आदर्श समाज सम्वाददाता कार्तिक २०, २०७९
    पोखरा ।  नेपाली लेखक संघ गण्डकी प्रदेशको प्रथम अधिवेशन तथा गण्डकी काव्य गोष्ठी सम्पन्न भएको छ । अधिवेशनले डा. ईश्वरमणि…
  • मुकुन्दशरणलाई माधव वियोगी पुरस्कार

    आदर्श समाज सम्वाददाता कार्तिक २०, २०७९
    पोखरा । पोखरेली स्रष्टा छन्दनायक एवं महाकाव्यकार माधव वियोगीको नाममा स्थापित माधव वियोगी साहित्य पुरस्कार कविवर मुकुन्दशरण उपाध्यायलाई प्रदान गरिने…
  • गण्डकी बहुप्राविधिक शिक्षालयमा वादविवाद सम्पन्न

    आदर्श समाज सम्वाददाता कार्तिक १७, २०७९
    पोखरा । गण्डकी बहुप्राविधिक शिक्षालय, भण्डारढिकमा वादविवाद प्रतियोगिता सम्पन्न भएको छ । ‘सामाजिक सञ्जाल अभिशाप नभई वरदान’ शीर्षकमा सो वादविवाद…

hero news full width