जन्मिदिनमा वृद्धवृद्धालाई पंखा र खाद्यान्न

Avatar एजेन्सी
चैत्र ५, २०७५

पोखरा, ५ चैत । अधिकांश युवा माझ केक काटेर र भोजभतेर खाएर जन्मदिन मनाउने चलन भेटिन्छ । परिवार, साथिभाई र आफन्तहरुलाई वोलाएर रमाईलो गर्दै जन्म दिन मनाउनेलाई शुभकामना दिने गरिन्छ । तर पोखरा महानगरपालिका ५ मालेपाटनका २५ बर्षीय युवक प्रेम गुरुडले वेसहारा वृद्धवृद्धालाई खाद्यान्न र भौतिक सामाग्री दिएर आफ्नो जन्मदिन मनाएका छन ।

मालेपाटन युनाईटेड क्लबका अध्यक्ष समेत रहेका प्रेम गुरुडले जन्मदिनमा रमाईलो गर्ने खर्चले पोखरा– १४ स्थित वाच्छिवुडुवाका वृद्धवृद्धालाई गर्मिमा आवश्यक पंखा, चाउचाउ, जुस लगायतका सामाग्री दिएका हुन । गुरुडले वृद्धाश्रमलाई ६ थान पंखा, दुई कार्टुन चाउचाउ र एक कार्टुन रियल जुस वृद्धाश्रमका सचिव पण्डित युवराज वाग्लेलाई मंगलवार हस्तान्तरण गरेका थिए ।

वुवा जगतवहादुर गुरुड र आमा सुकुन गुरुडका कान्छा छोरा गुरुडले जन्मदिनको नाममा तडकभड्क र फजुल खर्च गर्ने परिपाटीको अन्त्य गरी वेसहारा मानिसलाई सेवा गर्ने संस्कारको विकास गर्न वृद्धाश्रमलाई सहयोग गरेको बताए ।

 

 

तपाइको विचार व्यक्त गर्नुहोस्

हाम्रो सुझाव

नागडाँडामा श्रवणकुमार शालिक

गण्डकीको बजेट ३२ अर्ब

विपद् जोखिमको प्रयोगात्मक अभ्यास

नैतिक शिक्षा सिकाउँदै नीलसागर

गण्डकीको बजेट खेल क्षेत्रलाई उपेक्षा

प्रमुख समाचार

एसइईको परीक्षाफल असार १५ गतेसम्म आउन सक्ने