संक्रमणसँगै कुखुरा र कुखुराजन्य वस्तु आयात–निर्यातमा रोक

आदर्श समाज सम्वाददाता
चैत्र ५, २०७५
maxresdefault

पोखरा, चैत ५ । कास्कीमा बर्डफ्लुको संक्रमण देखिएपछि वाहिरवाट ल्याइने कुखुरा र कुखुराजन्य वस्तुमा रोक लगाइएको छ ।

हेटौडा, काठमाण्डौ लगायतका क्षेत्रमा बडैफ्लु यस अघि नै देखिएको र कास्कीको मादी गाउँपालिका ३ याङजाकोटकी सन्तुदेवी परियारले पालेका कुखुरामा पनि बर्डफ्लु देखिएपछि कास्कीका अन्य ठाँउमा पनि यस्तो संक्रमण हुन फैलिन सक्ने भन्दै वाहिरवाट कुखुरा र कुखुराजन्य वस्तु ल्याउन रोक लगाइएको हो । १० दिनसम्म आयात निर्यात रोकलगाइएको जिल्ला पशु कार्यालय कार्यालय कास्कीले जानकारी दिएको छ ।

कास्की भित्रिने दुईवटा नाकाहरु सिद्धार्थ राजमार्ग र पृथ्वी राजमार्गमा चिकित्सक सहितको विशेष टोली खटाएर कुखुरा चेकजाँच गराईएको पाण्डेले जानकारी दिए । कार्यालयले चैत १४ गतेसम्म कुखुरा र कुखुराजन्य पदार्थ आयातमा रोक लगाएको छ ।

परियारका कुखुरा मर्न थालेपछि परीक्षणका लागि पठाईएकोमा बर्डफ्लु पोजिटिभ देखिएको जिल्ला बर्डफ्लू रोग नियन्त्रण कक्ष कास्कीका इन्चार्ज केदारराज पाण्डेले जानकारी दिए । बर्डफ्लू प्रमाणीत भएपछि कार्यालयले त्यस क्षेत्रका कुखुरा मार्न थालेको छ ।

पहिलो चरणमा ७७ वटा स्थानीय जातका कुखुरा, ८५ वटा अण्डा, ३५ किलो दाना र १० किलो सुली नष्ट गरिएको पाण्डेले बताए । परियारले पालेको गिरिराज कुखुरामा बर्डफ्लु देखिएको थियो । पछि त्यही फ्लू अन्य कुखुरामा पनि सरेको उनको भनाई छ । अहिले कार्यालयले बर्डफ्लु लागेको क्षेत्रमा चार किल्ला तोकेर नियमित निगरानी बढाएको छ ,

फागुनको पहिलो सातादेखि बर्डफ्लुको संक्रमण देखिएको पाण्डेको भनाई छ । फागुनको पहिलो साता नै बर्डफ्लुको शंका थियो । हामीलाई शंका लागेपछि स्याम्पल ल्याएर परीक्षणमा पठायौं, उनी भन्छन दुई पटकसम्म पठाउँदा पोजिटिभ देखियो । त्यसपछि अरु ठाउँको स्याम्पल पनि जम्मा गरेर पठाएका छौं ।’ उनका अनुसार बर्डफ्लुपछि नष्ट गरिएका कुखुरा र कुखुराजन्य पदार्थलाई चल्तीको मुल्यमा ७५ प्रतिशत अनुदान सरकारले उपलब्ध गराउनेछ ।

बर्डफ्लुको संक्रमण देखिएपनि कुखुराजन्य पदार्थ ओसारपसार नगर्ने निर्णय भएको कास्की पोल्ट्री ब्यवसायी संघका अध्यक्ष गुरु पौडेलले बताए । ‘हामीले छुट्टै अनुगमन समिति बनाएका छौं । १० दिन कुखुरा नभित्र्याउने हाम्रो सहमति छ, उनले भने–यो बेला सप्लार्यहरु सरसफाई गर्ने र औषधी उपचारमा क्रियाशिल हुन्छौं ।’

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width