पूर्वडीआइजी पार्वती फोरम पार्टीका

एजेन्सी
चैत्र ५, २०७५
PARBATI THAPA MAGAR

काठमाडौं, ५ चैत । नेपाल प्रहरीकी पूर्वडीआईजी पार्वती थापा राजनीतिमा सक्रिय हुने भएकी छन् । विभिन्न पेशा–व्यवसायमा आवद्ध व्यक्तिहरु राजनीतिमा प्रवेश गर्ने क्रम चलिरहेका बेला थापा औपचारिक रुपमै संघीय समाजवादी फोरम प्रवेश गरेकी हुन् ।

संघीय समाजवादी फोरमकी उपाध्यक्ष रेणु यादवले थापा औपचारिक रुपमा आफ्नो पार्टीमा प्रवेश गरेको पुष्टि गरेकी छन् । सामाजिक गतिविधि तथा दलहरुमा उनी संलग्न देखिएकी थिइनन् । तर, त्यसको केही वर्षपछि उनले फोरम प्रवेश गरेर सक्रिय राजनीति गर्ने संकेत गरेकी छन् ।

पार्टी प्रवेश गरेकी थापालाई कुन जिम्मेवारी दिइएको छ भन्नेबारे भने फोरमले केही बताएको छैन ।नायब प्रहरी महानिरीक्षकबाट अवकाश पाएकी थापा नेपाल प्रहरीको इतिहासमा महानिरीक्षकको योग्यता पु¥याउने पहिलो महिला हुन् । उनी एसएसपीको रुपमा पोखरामा समेत रहेकी थिइन् ।

प्रहरी सेवामा रहेर दल प्रवेश गर्ने शिलशिला केही समयदेखि जारी छ । पूर्वप्रहरी महानिरीक्षकलगायतका पद सम्हालेकादेखि महत्वपूर्ण जिम्मेवारी लिएका व्यक्तिहरू दल प्रवेश गरेर सार्वजनिक पद धारण गरिरहेका छन् । यसअघि मात्रै डीआईजी नवराज सिलवाल नेकपा प्रवेश गरेका थिए । तत्कालीन एमालेबाट ललितपुर–१ मा उम्मेदवारी दिएका सिलवाल हाल संघीय संसदका सांसद् छन् ।

Related News

सम्बन्धित समाचार

hero news full width