मनाङमा आयआर्जन गर्न सहजताका लागि कैदीबन्दीका लागि ४५ दिने तालिम सुरु

Avatar आदर्श समाज सम्वाददाता
चैत्र ४, २०७५

लमजुङ, चैत ४ गते । हिमाली पारीको जिल्ला मनाङको कारागारमा रहेका कैदीबन्दीलाई आम्दानीको सहज स्थिति बनाउन हस्तकलाको तालिम दिन थालिएको छ । उनीहरूलाई ४५ दिने बासको हस्तकला सम्बन्धी सामग्री बनाउन तालिम दिइएको हो ।
जिल्ला समन्वय समितिका प्रमुख यज्ञप्रसाद घलेले हस्तकला तालिमले कैदीबन्दीलाई आत्मनिर्भर बनाउन सहयोग पुग्ने विश्वास व्यक्त गरे । उनले भने– ‘यहाँ धेरै होटल छन् । पर्यटक आउँछन् । बनाएका सामग्री पर्यटकलाई बेच्न सकिन्छ । कतिले होटलमा सजावटको रूपमा राख्छन् । कतिले कोशेलीको रुपमा लग्न पनि सक्छन् यसबाट आय आर्जन हुन्छ ।’

प्रमुख जिल्ला अधिकारी रुद्रनाथ देवकोटाले फुर्सदको समयमा सीप सिक्नुपर्छ । हातमा सीप भयो भने कारागार भित्रै पैसा कमाउन सकिने बताए । उनले भने– ‘त्यसैका लागि तालिमको प्रवन्ध उनको धारणा थियो । उनले तालिमबाट सिकेको सीपलाई व्यवहारमा उतार्न पर्ने उल्लेख गरे ।

घरेलु तथा साना उद्योग विकास समिति कार्यालय मनाङ र चामे गाउँपालिका र जिल्ला कारागार कार्यालयको संयुक्त आयोजनामा सो तालिम सञ्चालन गरिएको घरेलु तथा साना उद्योग विकास समिति कार्यालयका प्रमुख प्रदिप न्यौपानेले बताउनु भयो । उहाँका अनुसार कारागारमा रहेका कैदीबन्दीको समय खेर गइरहेको छ । त्यो समयमा उनीहरूलाई सीप सिकेमा राम्रो आम्दानी गर्न सक्ने बाह्य जिल्लाको उदाहरण दिदै त्यसरी सिर्जनामा लाग्दा आचरणमा समेत सुधार हुँदै आउने बताए ।’

मनाङ कारागारका जेलर शैलेन्द्रकुमार चौधरीले ४५ दिने तालिम अवधिमा कैदीबन्दीले निंगालो र बाँसको हस्तकला बाँसबाट मुढा, सजावटका सामान, ¥याक, कुर्सी, टेबल आदि बनाउन सिक्ने बताए । उनका अनुसार तालिममा १५ जना कैदीबन्दी सहभागी छन् । बिहान ८ बजेदेखि बेलुका ५ बजेसम्म कैदीबन्दीले हस्तकलाका सामग्री बनाउन सिक्ने गरेको चौधरीले जानकारी दिए ।

तपाइको विचार व्यक्त गर्नुहोस्

हाम्रो सुझाव

प्रमुख समाचार

स्थानीय जनप्रतिनिधिले मासिक सुविधा लिने कानून बदर

थप प्रमुख समाचार

सडक महोत्सवको संयोजकमा बराल

स्वतन्त्रका राष्ट्रिय सल्लाहकार सम्मानित

नागरिक समाज पोखराको ध्यानाकर्षण