सात लाख सहयोग

rss रासस
चैत्र ४, २०७५

वालिङ, ४ चैत । स्याङ्जाको कालिका माइक्रो क्रेडिट डेभलपमेण्ट बैंकले मृतक कर्मचारीको परिवारलाई सात लाख सहयोग गरेको छ ।

बैंकको रुपन्देहीस्थित जोगीकुटी शाखामा प्रबन्धकको रुपमा कार्यरत रामजीत राईकी श्रीमती ज्ञानकुमारीलाई संस्थाका अध्यक्ष कृष्ण खाँणले सो सम्बन्धी चेक हस्तान्तरण गरेका हुन् ।

“शाखा प्रबन्धकमा कार्यरत रहँदा दुई महीनामै कार्यालय आउँदा पूर्वपश्चिम राजमार्गको बर्दघाटमा सवारी दुर्घटनामा परी रामजीतको निधन भएको थियो ”, संस्थाका अध्यक्ष खाँणले भने “ परिवारलाई ठूलो क्षति अनि पीडा परेकाले राहतस्वरुप आर्थिक सहयोग गरेका हौँ ।”

मृतक राईको परिवारलाई यसअघि संस्थामा कार्यरत कर्मचारीले एक लाख ७५ हजार सहयोग गरेको संस्थाका कार्यकारी अधिकृत मीन बोहोराले बताए । “संस्थाको सञ्चालक समितिको बैठकले मृतककी श्रीमती ज्ञानकुमारीलाई कर्मचारीको रुपमा नियुक्ति दिएका छौँ ।” साढे चार वर्षको छोराको शिक्षामा उक्त रकम खर्च गर्ने योजना बनाएको ज्ञानकुमारीले बताइन ।
विसं २०६७ भदौमा सो बैंकको हाल २५ जिल्लामा ७० वटा शाखा रहेका छन् भने ३५ हजार ग्राहक यसमा आबद्ध छन् ।

तपाइको विचार व्यक्त गर्नुहोस्

हाम्रो सुझाव

बगनासकालीलाई बालमैत्री बनाइने

तिनाउको कृषि केन्द्रित कार्यक्रम

तीनै तहका सरकारको लक्ष्य एउटै – मन्त्री गुरुङ्ग

सुन्दर बजारको बजेट ५४ करोड

राइनासको बेरुजु २७ लाख

प्रमुख समाचार

एसइईको नतिजा विहीवार साँझ हुने

थप प्रमुख समाचार