गोरखापत्र बाजेको स्मृतिमा एक लाखको अक्षयकोष

आदर्श समाज सम्वाददाता
चैत्र ४, २०७५

पोखरा, ३ चैत। पोखराका अग्रज सञ्चारकर्मी चन्द्रकान्त पौडेल (गोर्खापत्र बाजे) को स्मृतिमा एक लाख रुपैयाँको सञ्चारकर्मी सम्मान कोष स्थापना गरिने भएको छ।

स्वतन्त्र पत्रकार संघ नेपालको शनिवार पोखरामा वसेको राष्ट्रिय समितिको वैठकले उक्त निर्णय गरेको हो। वैठक संघका राष्ट्रिय अध्यक्ष कृष्णप्रसाद वास्तोलाको अध्यक्षतामा वसेको थियो।

पेशाप्रति निष्ठावान, निर्भिक र निडर सञ्चारकर्मीका रुपमा परिचित गोर्खापत्र बाजेको स्मृतिमा स्थापना थर्न लागिएको उक्त पुरस्कार कोषका लागि विभिन्न क्षेत्रवाट सहयोग जुटिरहेको छ।

कोषका लागि आदर्श समाज राष्ट्रिय दैनिकले २५ हजार रुपैयाँ,, बाजेका कान्छा छोरा शिव पौडेलले २० हजार पाँच सय, नेपाल ज्योतिष पत्रकार महासंघका केन्द्रीय अध्यक्ष डा बलराम रेग्मीले पाँच हजार एक सय, स्वतन्त्र पत्रकार संघ कास्कीका अध्यक्ष कृष्ण थापाले दुई हजार पाँच सय रुपैयाँ र राष्ट्र आवाज साप्ताहिकका प्रधान सम्पादक केशव भण्डारीले एक हजार पाँच सय रुपैयाँ प्रदान गरेका छन्।

सञ्चारकर्मी पौडेलले ४० बर्ष अघिदेखि पोखरामा गोर्खापत्र लगायतका पत्रपत्रिकाहरुको वितरण तथा सूचना प्रवाहको कार्य गरेका थिए। उनी ढाकाटोपी, दौरासुरवाल र कालो जुत्तामा ठाटिएरै पत्रिका वितरण गर्थे। नेपाली राष्ट्रियता प्रति गौरव गर्ने गोर्खापत्र बाजेको ८० वर्षको उमेरमा वि.स. २०६९ माघ २१ गते निधन भएको थियो। निधनको अघिल्लो दिन साँझसम्म पनि उनले पत्रिका वितरण गरेका थिए।

भ्रष्ट नेताहरुको कडा आलोचकका रुपमा परिचित रहेका बाजेले सार्वजनिक समारोहमै औंला ठड्याएर आवाज उठाउँथे। उनीले पोखरा–३ को वडा सदस्यमा निर्वाचित भई जिम्मेवारी पूर्वक जनताको सेवा समेत गरेका थिए।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width