रुकी फाउण्डेसन स्थापना

Avatar आदर्श समाज सम्वाददाता
चैत्र ४, २०७५

गल्याङ, ३ चैत। स्याङ्जाको गल्याङ नगरपालिका नगर प्रमुख भुपराज अधिकारीले रुकी फाउण्डेसनको घोषणा गरेका छन्।

प्रमुख अधिकारीले आईतबार आफ्नी माता स्वर्गीय रुकी अधिकारीको १२ औँ दिनको पुण्य तिथिमा रुजी फाउण्डेसको घोषणा गरेका हुन्।

गल्याङ नगरपालिका वडा नं ८ करादीस्थित आफ्नै निवासमा फाउण्डेसनको घोषणा गरेका हुन्। स्वर्गीय माता रुकी अधिकारी र पिता जितलाल अधिकारीको नामबाट रुजी फउण्डेसनको नामाकरण गरिएको प्रमुख अधिकारीले बताए। ३ लाख ३३ हजार ३ सय ३३ को फाउण्डेसन माता रुकी अधिकारीको ४५औँ दिनभित्र स्थापना गर्ने समेत उनले बताए।

पिता स्व. जितलाल अधिकारीलाई बाल्यकालमै गुमाएकी अधिकारीले माता रुकीकुमारीले नै मातापिता दुवैको दायित्व पुरा गर्नुभएको स्मरण गर्दै माताको १२ औं दिनको पुण्यतिथिमा फाउण्डेसन घोषणा गरेका हुन्।

फाउण्डेसनले स्याङ्जा कार्यक्षेत्र बनाएर शिक्षा, स्वास्थ्य, साहित्य, पत्रकारिता लगायतका विभिन्न क्षेत्रमा कार्य गर्नेछ। फाउण्डेसन स्थापनाका लागी समिति निर्माण गरी विधि र विधान अनुसार अगाडि बढ्नेसमेत प्रमुख अधिकारीले बताए।

फाउण्डेसको हालको रकम ३ लाख ३३ हजार ३ सय ३३ भएपनि अन्य दाताहरुको खोजी गरी फाउण्डेसनलाई विस्तार गरिनेछ। कार्यक्रममा गल्याङ नगरपालिकाका प्रमुख प्रशासकिय अधिकृत ईश्वरीप्रसाद पाण्डे, नेपाल शिक्षक महासंघका जिल्ला उपाध्यक्ष राजेन्द्रदेव खनालले सामाजिक क्षेत्रमा लाग्नका लागी स्व. अधिकारीको प्रेरणा निकै अविस्मरणीय रहेको भन्दै शोक सन्तप्त परिवारजनप्रति समवेदना व्यक्त गरे।

स्वर्गीय रुकी अधिकारीले समाजमा खेलेको भूमिकालाई निरन्तरता दिनका लागि र समाजमा रहेको गरिव दिन दुःखी, अपाङ्ग, जेष्ठनागरिक, समाजलाई महत्वपूर्ण योजदान पुर्याउने महानुभावलाई बार्षिक रुपमा सम्मान तथा सहयोग गर्ने अभियानका साथ संस्था स्थापना गरिएको स्वर्गीय रुकी अधिकारीका नाती टिकाराम अधिकारीले जानकारी दिए।

स्व. रुकीकुमारीको ११४ वर्षको उमेरमा यही फाल्गुन २२ गते निधन भएको थियो। अधिकारीको ३ छोरा र ५ छोरी मध्ये प्रमुख अधिकारी कान्छा छोराको रुपमा छन्।

तपाइको विचार व्यक्त गर्नुहोस्

हाम्रो सुझाव

प्रमुख समाचार

स्थानीय जनप्रतिनिधिले मासिक सुविधा लिने कानून बदर

थप प्रमुख समाचार

सडक महोत्सवको संयोजकमा बराल

स्वतन्त्रका राष्ट्रिय सल्लाहकार सम्मानित

नागरिक समाज पोखराको ध्यानाकर्षण