स्वर्ण विवाह उत्सवमा आश्रमलाई सहयोग

Avatar आदर्श समाज सम्वाददाता
चैत्र ४, २०७५

पोखरा, ३ चैत। पोखरा–१७, विरौटा निवासी रेशमराज सुवेदी र श्रीमती लक्षिमा सुवेदीले शुभविवाह भएको ५० वर्ष पुगेको स्वर्ण उत्सवको अवसरमा मानव सेवा आश्रमलाई सहयोग गरेका छन्।

मानव मिलन संस्था पोखराद्वारा आइतबार आयोजित कार्यक्रममा सुवेदीले आश्रमका कोषाध्यक्ष उषा गोशलीलाई नगद ३० हजार रूपैयाँ हस्तान्तरण गरेका हुन्।

त्यस अवसरमा कार्यक्रमका प्रमुख अतिथि समाजसेवी लीलाभक्त आचार्यले वैवाहिक उत्सवमा फजुल खर्च कटाएर आश्रमलाई सहयोग गर्नु उदाहरणीय कार्य भएको बताए।

उक्त कार्यक्रममा पत्रकार सुष्मा पौडेल, राममन्दिर व्यवस्थापन समितिका सचिव पुण्डरीप्रसाद बराल, जनआदर्श उच्च मा.वि. आरुखर्कका पूर्व प्रधानाध्यापक उमाकान्त सुवेदीले शुभकामना व्यक्त गरेका थिए।

आश्रमका अभियन्ता होमनाथ तिमिल्सिनाको स्वागत मन्तव्य रहेको सो कार्यक्रमको सञ्चालन मानव मिलन पोखराका सल्लाहकार सावित्री शर्माले गरेकी थिइन्। सहयोगदाता सुवेदी मानव मिलन पोखराका अध्यक्ष हुन्।

तपाइको विचार व्यक्त गर्नुहोस्

हाम्रो सुझाव

गण्डकीको बजेट ३२ अर्ब

समिर र सनिशालाई उपाधि

कमालको कमल ताल

घरबास मेला सम्पन्न

प्रमुख समाचार

एसइईको परीक्षाफल असार १५ गतेसम्म आउन सक्ने