हिमालय क्लवको अवलोकन भ्रमण सम्पन्न

Avatar आदर्श समाज सम्वाददाता
चैत्र ३, २०७५

पोखरा, ३ चैत । हिमालय क्लब पोखरा –१६ का पदाधिकारीले नवलपुर जिल्लाको अमलटारीमा रहेको अमलटारी मध्यवर्ती सामुदायिक होमस्टे को अवलोकन भ्रमण सम्पन्न गरेको छ ।

थारु साँस्कृतिक रहनसहनको अध्ययन गर्न हिमालय क्लबको एक टोली सो स्थानमा पुगेको थियो । सहभागी टोलीलाई होमस्टे व्यवस्थापन समितिले स्वागत गरेको थियो । सहभागीले थारु साँस्कृतिक कार्यक्रम, नवलपुरको शाश्वत धाम र मूनाल फुड्स प्रा.लि.को पनि अवलोकन गरेका थिए ।

गैंडाकोट नवलपुरमा रहेको विजय विकास श्रोत केन्द्रसँग हिमालय क्लवले अन्तरक्रिया कार्यक्रम समेत गरेको थियो । अन्तरक्रिया कार्यक्रममा पोखरा– १६ का वडा अध्यक्ष जीवनप्रसाद आचार्य, क्लबका अध्यक्ष मोहनबादुर थापा, प्रथम उपाध्यक्ष सुशील बस्नेत, कोषाध्यक्ष शिवराज देवकोटा, सचिव प्रकाश थापा,ताराप्रसाद तिमिल्सिनाले क्लबका तर्फबाट आफ्ना धारणा राखेका थिए । केन्द्रका श्रोत व्यक्ति प्रेम सापकोटाले श्रोत केन्द्रका गतिविधि बारेमा जानकारी गराएका थिए ।

दुइदिने अवलोकन भ्रमणमा सहभागीहरुलाई हिमालय क्लवको मैत्री संस्था मस्र्याङदी युथ कलवले तनहुँको आँवुखैरेनीमा टीका र खादा प्रदान गरी विदाई गरेको थियो । भ्रमण कार्यक्रममा ४० जनाको सहभागीता रहेको भ्रमण कार्यक्रम संयोजक तथा क्लवका प्रथम उपाध्यक्ष सुशील बस्नेतले जानकारी दिए ।

Comments on हिमालय क्लवको अवलोकन भ्रमण सम्पन्न

प्रमुख समाचार

मर्दी हिमाल ट्रेकिङमा गएका जापानीज नागरिकको भीरवाट खसेर मृत्यु

थप प्रमुख समाचार

वडाध्यक्ष पौडेललाई मातृशोक

४६८ भूकम्प पीडितले लिए किस्ता