म्याग्दीबाट एसइई परीक्षा दिने छात्रालाई सेनेटरी प्याड

rss रासस
चैत्र ३, २०७५

म्याग्दी, ३ चैत । म्याग्दीमा एसइई परीक्षामा सहभागी हुने छात्रालाई प्रश्नपत्रसँगै सेनेटरी प्याड प्रदान गरिने भएको छ, चैत १० गतेदेखि एसइई परीक्षा शुरु हुदै छ ।

गण्डकी प्रदेश सामाजिक विकास मन्त्रालयले म्याग्दीमा माध्यमिक शिक्षा परीक्षा, २०७५ (एसइई)मा समावेश हुने छात्रालाई सेनेटरी प्याड वितरण गर्न लागेको हो । सामुदायिक विद्यालयमा अध्ययनरत् छात्रा महीनावारी भएकै कारण विद्यालयमा नजाने र विद्यालय छोड्ने क्रम वढ्दै गएपछि मन्त्रालयले सेनेटरी प्याड वितरण गर्न लागेको हो ।

मन्त्रालयकी प्रमुख महिला विकास अधिकृत तुलसा अर्यालले निमित्त एकाइ प्रमुख केशबहादुर बुढाथोकीलाई १५ हजार बराबरको प्याड खरीद गर्न चेक हस्तान्तरण गरेकी छन् । मन्त्रालयका अधिकृत अर्यालले छात्रामा हुने महीनावारीलाई सहजरूपले व्यवस्थापन गरी परीक्षामा सहभागी गराउन प्रदेशभित्रका ११ वटै जिल्लामा प्याड वितरण गरिने बताइन् ।

म्याग्दीमा दुई हजार २४२ विद्यार्थी सहभागी हुने परीक्षामा एक हजार १११ छात्रा रहेका छन् । सामाजिक विकास मन्त्रालयले छात्रा सङ्ख्याको अनुपातका आधारमा सेनेटरी प्याड खरीदका लागि शिक्षा विकास तथा समन्वय एकाइ म्याग्दीलाई १५ हजार बराबरको चेक हस्तान्तरण गरेको छ ।

Comments on म्याग्दीबाट एसइई परीक्षा दिने छात्रालाई सेनेटरी प्याड

हाम्रो सुझाव

सद्भावको पर्व होली

वीरेठाँटीमा फागुपूर्णिमा मेला शुरु

आँगनमै धारा आउँदा गाउँले खुसी

पाइलट सहित दुई घाइते

प्रमुख समाचार

महानगर होर्डिङ बोर्ड हटाउँदै

थप प्रमुख समाचार

महानगर होर्डिङ बोर्ड हटाउँदै

पाइलट सहित दुई घाइते