एकता प्रक्रिया टुङ्गमा पु¥याउन छलफल

Avatar एजेन्सी
चैत्र २, २०७५

काठमाण्डौ, २ चैत । दुई पार्टीको एकता केन्द्रीय तहमा टुङ्गो लागेपनि जिल्ला तहमा भने अस्तव्यस्त नै छ,जिल्ला र गाउँतहसम्म एकता प्रक्रिया टुङ्गोमा पु¥याउने गृहकार्यमा नेपाल कम्युनिष्ट पार्टीका अध्यक्षद्वय केपी शर्मा र प्रचण्ड यतिवेला गृहकार्यमा जुटेका छन् ।

पछिल्लो केही दिनयता अध्यक्षद्वय केपी शर्मा ओली र पुष्पकमल दाहालले एकताको विषयमा गृहकार्य गरिरहेको जानकारी नेकपाका महासचिव विष्णु पौडेलका दिएका छन् । पार्टीको केन्द्रीय तहमा एकता भएपनि जिल्ला कमिटी, जनवर्गीय संगठन र प्रदेशमा रहेको असन्तुष्टि मिल्न सकेको छैन भने पोलिटब्युरो गठनको व्यवस्था कार्यान्वयन हुन सकेको छैन ।

बरिष्ठता र सक्षमलाई नेतृत्वमा ल्याउने तयारी भएको छ, पौडेलले भने, ‘दुई अध्यक्षले प्रस्ताव सचिवालयमा ल्याएपछि छलफल हुन्छ।’ एकताकै बिषयलाई लिएर बरिष्ठ नेता माधवकुमार नेपाल र झलनाथ खनालसँग समेत छलफल अगाडि वढेको छ, उनले भने ।

एकता प्रक्रियाको विषयमा असन्तुष्ट वन्दै आएका नेपाललाई पनि छलफलमा सहभागी बनाउने तयारी भएको छ । एकताका लागि विभिन्न जिल्ला कमिटीमा नेतृत्वका लागि सिफारिस गरिएका नाममा आफ्नो पक्षका बरिष्ठ नेताहरूलाई पछाडि पारिएको भन्दै बरिष्ठ नेता माधवकुमार नेपाल असन्तुष्ट छन्। यसअघि एकता प्रक्रिया टुंग्याउन गठन भएको कार्यदल काम गर्न नसकेपछि सचिवालयले भंग गरेको थियो।

तपाइको विचार व्यक्त गर्नुहोस्

हाम्रो सुझाव

प्रदेशमा पनि संविधान दिवसको तामझाम

शान्तिपूर्ण विरोध सभामा प्रहरी हस्तक्षेप

संविधान दिवसमा प्रदेश प्रमुखको शुभकामना

प्रमुख समाचार

विधिको शासन नचल्दा राष्ट्र नै समाप्त हुन्छ- प्रदेश प्रमुख

थप प्रमुख समाचार