आतंक रोकिनुको सट्टा झन वढ्यो– महत

Avatar आदर्श समाज सम्वाददाता
चैत्र १, २०७५

बुटवल १ चैत्र । नेपाली कांग्रेसका केन्द्रीय सदस्य तथा पूर्व अर्थमन्त्री डा रामशरण महतले मन्त्रीपरिषदले नेकपालाई प्रतिबन्ध लाउनुभन्दा देशमा भैरहेको आतंकबादी गतिबिधि रोक्न तर्फ लाग्नुपर्ने बताएका छन् ।

देशभर आतंकबादका गतिबिधि श्रृङ्खलाबद्ध रुपमा भैरहेको भन्दै उनले कानून विपरित गतिबिधि गर्न कोही कसैलाई पनि छुट नभएको प्रष्ट पारे ।

रिपोर्टर्स क्लब प्रदेश ५ बुटवलमा आयोजित साक्षात्कार कार्यक्रममा बोल्दै डा. महतले सरकारले देशमा शान्ति सुब्यवस्था कायम गर्नुपर्ने बताए ।

बिप्लव नेकपामाथि प्रतिबन्ध ठिक की बेठिक भन्ने प्रश्नमा उनले भने—‘कानून बिपरित गतिबिधि गर्न कसैलाई छुट छैन,सरकारले निर्णय गरेर मात्रै बस्ने होइन ।’ सरकारले सही गति लिन नसकेको भन्दै उनले प्रचारबाजिमा मात्रै समय बिताएको आरोप लगाए ।

रेल,पानीजहाजका गफ चुटेर सम्वृद्धि नआउने भन्दै उनले जनताले अनुभूति हुने गरी काम गर्न सरकारलाई सुझाए ।कांग्रेसका केन्द्रीय सदस्य समेत रहेका उनले कांग्रेस एक भएपनि संगठनात्मक कमजोरी रहेको उल्लेख गरे ।

अहिले शशक्त प्रतिपक्षको भूमिका पनि निर्बाह गर्न नसकेको भन्दै गति बढाउनुपर्ने उनल बताए । क्लबका प्रदेश प्रमुख रामकुमार क्षेत्रीको अध्यक्षतामा भएको कार्यक्रमको संचालन क्लबका प्रदेश सदस्य कपील ज्ञवालीले गरेका थिए ।

तपाइको विचार व्यक्त गर्नुहोस्

हाम्रो सुझाव

७० जना अग्रज कम्युनिष्ट योद्धा सम्मानित

जागरण अभियान थप्दै नेपाली काँग्रेस कास्की

प्रेस स्वतन्त्रताको लागि कांग्रेस प्रतिबद्ध

सरकार अधिनायकवादतर्फ अगाडि वढ्यो –भट्टराई

प्रमुख समाचार

डाँकालाई गोली हानी प्रहरीले लियो नियन्त्रणमा