पोखरा, १ चैत । स्याङ्जाको गल्याङ नगरपालिका–११ को बज्रे स्थित भित्री सडक खण्डमा शुक्रवार जिप दुर्घटना हुदा चार जना घाइते भएका छन् ।

साङलियावाट गल्याङतर्फ यात्रु लिएर आउदै गरेको लु.१ ज. १२०२ नं को जिप सडकवाट ५० मीटर तल खस्दा चालक सहित चार जना घाइते भएका हुन् । जिप दुर्घटनामा परी घाइते हुनेमा गल्याङ नगरपालिका–११ निवासी २३ बर्षीय तेजु सिंजाली, महेश सिंजाली, २१ बर्षीया हीरा सिंजाली र ५३ बर्षीय नरि सिंचाली छन् ।

दुर्घटनामा घाइते भएकालाई उपचारका लागि गल्याङ अस्पताल लगिएको जानकारी स्याङ्जा प्रहरीले जानकारी दिएको छ । दुर्घटनाग्रस्त जिप रुखमा अड्किएको थियो ।