केन्द्रदेखि वडासम्म भ्रष्टाचार –केन्द्रीय सदस्य केसी

Avatar आदर्श समाज सम्वाददाता
चैत्र १, २०७५

पोखरा, १ चैत । नेपाली काँग्रेसका केन्द्रीय सदस्य अर्जुन नरसिंह केसीले केपी नेतृत्वको सरकार गठन भएक १३ महिने अवधिमा संघदेखि स्थानीय तहसम्म भ्रष्टाचार मौलाएको बताएका छन् ।

नेपाली काँग्रेस कास्कीद्वारा शुक्रवार पोखरामा आयोजित कार्यकर्ता भेटघाट कार्यक्रमलाई सम्वोधन गर्दै उनले भने– संघीयताको भावना अनुरुप सिंहदरबारका अधिकार गाउँसम्म पुग्नुपर्ने थियो तर भ्रष्टाचार मात्र गाउँसम्म पुग्न सक्यो ।

वाइडबडी, फोर जमा ठूलो आर्थिक अनियमितता भएको र त्यसको स्वतन्त्र छानविन हुनुपर्ने भनाई उनको छ । काँग्रेसले भ्रष्टाचारीलाई बोक्दैन, त्यो आफ्नै मान्छे किन नहोस् उनले भने–संसदमा संसदीय समिति शक्तिशाली हुन्छ, समितिले छानविन गरिरहेका अवस्थामा सरकारबाट न्यायिक समिति बनाइनु हुदैन ।

काँग्रेसभित्र नीतिगत त्रुटी, नेतृत्वगत कमजोरी लगायतका कारणबाट पार्टी कमजोर भएको छ, उनले भने– एकआपसमा दोषारोपण भन्दा पनि सुधारवादी आन्दोलन आवश्यक छ । नेपाली काँग्रेस पार्टी व्यक्तिबाट नभै विधिबाट चल्नुपर्ने र कार्यकर्ताले पनि विवेकलाई बन्दी बनाउन नहुने भनाई उनको छ ।

उक्त अवसरमा नेपाली काँग्रेस कास्कीका सभापति कृष्ण केसी, सचिव सुदीप मोहन भट्टराई, काँग्रेस नेता कृष्णकुमारी परियार, मुक्तिराम अधिकारी, निर्मल कर्माचार्य लगायतले पार्टीलाई एकतावद्ध बनाएर लैजानुपर्नेमा जोड दिएका थिए ।

तपाइको विचार व्यक्त गर्नुहोस्

हाम्रो सुझाव

७० जना अग्रज कम्युनिष्ट योद्धा सम्मानित

जागरण अभियान थप्दै नेपाली काँग्रेस कास्की

प्रेस स्वतन्त्रताको लागि कांग्रेस प्रतिबद्ध

सरकार अधिनायकवादतर्फ अगाडि वढ्यो –भट्टराई

प्रमुख समाचार

डाँकालाई गोली हानी प्रहरीले लियो नियन्त्रणमा