ओके बाजेलाई नागरिक अभिनन्दन

Avatar आदर्श समाज सम्वाददाता
चैत्र १, २०७५

पाल्पा, ३० फागुन। जापानीज नागरिक काजुमासा काकिमी (ओके बाजे) लाई पाल्पा जिल्लामा उनले पुर्याएको योगदान कदर गदै नागरिक अभिनन्दन गरिएको छ।

२०५० सालदेखि पाल्पाको ग्रामीण बस्तीहरुमा बसेर विपन्न समुदायको उत्थानमा आर्थिक स्रोत जुटाई भौतिक संरचना निर्माण, स्वास्थ्य उपचार र शिक्षा आर्जनमा महत्वपूर्ण भूमिका खेलेको भनी अभिनन्दन गरिएको हो।

नेपाल सरकारले गोरखा दक्षिणबाहु तेस्रोले विभूषित भएका र पाल्पाली नागरिकले दुई पटक सम्मानित भएका समाजसेवी ओकेबाजेलाई पाल्पा बसाइँको २५ वर्ष पुगेको अवसर तेस्रो पटक अभिनन्दन गरिएको हो।

अभिनन्दनबाट नेपाल सरकारलाई महानार्थ नागरिकता दिनका लागि सन्देश प्रवाह गर्ने खोजिएको अभिनन्दन समारोहका संयोजक सुन्दर श्रेष्ठले बताए।

समारोहमा उनलाई जापानीज संस्थाहरु, विभिन्न संघसंस्था र सर्वसाधारण गरी ७० बढी संघसंस्थाले अभिनन्दन गरेका थिए।

समारोहमा तानसेन नगरपालिका प्रमुख अशोककुमार शाहीसहित अतिथिको उपस्थिति थियो।

७८ वर्षीय ओकेबाजेले पाल्पा बसेर खानेपानी, सिंचाइ, पुस्तकालय स्थापना, खेलकुद, जेहेन्दार विद्यार्थीलाई छात्रवृत्ति, औषधि उपचार, आयआर्जनका गतिविधि, एम्बुलेस सेवा लगायत स्थानीयको आवश्यकतालाई ध्यानमा राखेर सहयोग गर्दै आएका छन्।

Comments on ओके बाजेलाई नागरिक अभिनन्दन

हाम्रो सुझाव

हिउँ पन्छाउन नेताहरू बीच होड

२३ जना किसानलाई अनुदानमा हाते ट्याक्टर वितरण

सबै परीक्षा केन्द्रमा सेनेटरी प्याड

अवैध रुपमा वस्ने विदेशीप्रति निगरानी वढाइने

प्रमुख समाचार

हिउँ पन्छाउन नेताहरू बीच होड

थप प्रमुख समाचार

हिउँ पन्छाउन नेताहरू बीच होड

सबै परीक्षा केन्द्रमा सेनेटरी प्याड