स्थानीय कानूनअनुसार बजार अनुगमन

आदर्श समाज सम्वाददाता
फागुन २९, २०७५
bajar

पोखरा, २८ फागुन । मुलुक संघीयतामा गइसकेपछि कास्कीमा स्थानीय कानून अनुसारद्वारा पहिलो पटक बजार अनुगमन भएको छ ।

पोखरा महानगरपालिकाद्वारा जारी ‘बजार अनुगमन निर्देशिका–२०७४’ अनुसार पोखरामा मंगलबार बजार अनुगमन भएको हो । यसअघि जिल्ला प्रशासन कार्यालय कास्कीको संयोजकत्वमा संघीय कानुन अनुसार अनुगमन हुँदैआएको थियो ।

पोखरा महानगरपालिकाका सूचना अधिकारी गंगालाल सुवेदीको संयोजकत्वमा भएको अनुगमनमा महानगरपालिकाका प्रवक्ता धनबहादुर नेपाली, उपभोक्ता मञ्च कास्कीका अध्यक्ष कपिलनाथ कोइराला, जिल्ला प्रशासन कार्यालय, पशु विकास महाशाखा र गुणस्तर तथा नापतौल कार्यालय कास्कीका प्रतिनिधि, प्रहरी र पत्रकारको सहभागिता थियो ।

स्थानीय कानुन अनुसार अनुगमन हुनु उपभोक्ता हितमा रहेको उपभोक्ता मञ्च कास्की अध्यक्ष कपिलनाथ कोइरालाले बताए । उनले यसलाई नियमित रुपमा अघि बढाउनुपनेर्मा जोड दिए ।

मंगलबार भएको पहिलो अनुगमनमा पोखरा–१० स्थित बी भाञ्जा सप्लायर्समा अनुगमनपछि सो सप्लायर्समा सिलबन्दी गरिएको छ ।

सरसफाइमा ख्याल नगरी उपभोक्ता स्वास्थ्य विपरीत संचालन गरिएको, फोहोर दुर्घन्धित पाइएपछि सुधार गर्न निर्देशन दिँदै सो सप्लायर्समा सिलबन्दी गरिएको हो । सोही सप्लायर्स आडमा भूमिका मिट पसल बिनादर्ता संचालन रहेको पाइएको छ ।

दैनिक ५ सय बढी कुखुराको मासु बिक्री वितरण गर्ने सो सप्लायर्सले आवश्यक मापदण्ड पूरा गरे/नगरेकोबारे अनुगमन टोलीले पुनः अनुगमनपछि स्वीकृति दिनसक्ने अनुगमनमा संलग्न उपभोक्ता मञ्च अध्यक्ष कोइरालाले जनाए ।

Related News

सम्बन्धित समाचार

  • गोल्डेन सहकारीको रक्तदान

    आदर्श समाज सम्वाददाता मंसिर १७, २०७९
    पोखरा। गोल्डेन बचत तथा ऋण सहकारी संस्था लि., पोखराले १४ औं वार्षिकोत्सव अवसरमा शनिबार रक्तदान कार्यक्रम गरेको छ । कार्यक्रममा…
  • १८ औं संस्करणको लेखनाथ महोत्सव तयारी

    रामशरण नेपाली मंसिर १७, २०७९
    लेखनाथ, १७ मंसिर । लेखनाथ उद्योग वाणिज्य संघले पुस पहिलो सातादेखि १८ औं संस्करणको लेखनाथ महोत्सव–२०७९ गर्ने भएको छ । शनिवार…
  • एड्भान्स कुकिङ तालिमका सहभागीलाई प्रमाणपत्र

    आदर्श समाज सम्वाददाता मंसिर १७, २०७९
    गोरखा । गोरखा जिल्लाको गोरखा बजारमा आयोजित एक हप्ते एड्भान्स कुकिङ तालिमका सहभागीलाई हालै प्रमाणपत्र वितरण गरिएको छ । होटल…
  • पाेखरामा औद्योगिक व्यापार मेला सुरू

    आदर्श समाज सम्वाददाता मंसिर १६, २०७९
    पोखरा । राष्ट्रिय औद्योगिक व्यापार मेला शुक्रबारदेखि पोखरामा सुरु भएको छ । पोखरा उद्योग वाणिज्य संघको आयोजनामा १६ देखि २५…
  • १८ औं लेखनाथ महोत्सव : दिनहुँ छलफल र बैठक

    आदर्श समाज सम्वाददाता मंसिर १४, २०७९
    लेखनाथ । ‘महोत्सव लेखनाथको संस्कृति, स्थानीय उत्पादन, विकास र समृद्धि’ नाराका साथ आयोजना हुने १८ औं लेखनाथ महोत्सव तयारी तीव्र…

hero news full width