पोखरा, २८ फागुन । लुम्बिनी विकास बैंकको लेकसाइड शाखा डिहिकोपाटन चोकमा स्थानान्तरण गरिएको छ ।

सो शाखाको गण्डकी प्रदेश सांसद राजीव पहारीले मंगलबार उद्घाटन गरे।

कार्यक्रममा प्रहरी नायव महानिरीक्षक दानसिंह बोहरा र पोखरा–६ का वडाध्यक्ष जगतबहादुर पहारीले शुभकामना व्यक्त गरे।

बैंक अध्यक्ष सुशीलराज पराजुलीको अध्यक्षतामा भएको कार्यक्रममा स्वागत सिइओ नरेशसिंह बोहराले गरेका थिए।

बैंकले सो शाखा लगायत विभिनन शाखाबाट निक्षेप तथा कर्जा सुविधाका साथै एबिबिएस, मोबाइल बैंकिङ, ई–बैंकिङ लकर लगायत आधुनिक बैंकिङ सेवा उपलब्ध गराउँदै आएको जनाएको छ।

काठमाडौंमा केन्द्रीय कार्यालय रहेको बैंकले देशभर ६५ शाखाबाट सेवा प्रवाह गर्दै आएको छ।