‘स्मार्ट’ चालक अनुमतिपत्र वितरण बाँकी

rss रासस
फागुन २९, २०७५

काठमाडौँ, २८ फागुन। यातायात व्यवस्था विभागले सात महिनादेखि यताका मात्रै ‘स्मार्ट’ चालक अनुमतिपत्र वितरण गर्न बाँकी रहेको बताएको छ।

झण्डै चार लाख सेवाग्राहीको अनुमतिपत्र छपाइका क्रममा रहेको यातायात व्यवस्था विभागका प्रवक्ता गोकर्णप्रसाद उपाध्यायले बताए।

उनका अनुसार पहिले सेवाग्राहीले आवेदन दिएको एक वर्षसम्मको वितरण गर्न नसकिएकामा अहिले त्यो अवधि कम हुँदै गएको छ। सात महिनामा छापिँदा पनि सेवाग्राहीलाई सुविधा नभएकाले त्यसमा सुधार गर्न लागिएको उनले बताए। उनले भने, “सेवाग्राहीले राजश्व तिरेको कम समयमा चालक अनुमतिपत्र दिनका लागि हामीले प्रयास गरिरहेका छौँ।”

सेवाग्राहीलाई आवेदन दिएको छोटो अवधिमा नै चालक अनुमतिपत्र वितरण गर्न १० लाख ‘कार्ड’ खरीद प्रतिक्रिया शुरु भएको विभागले जनाएको छ। विभागले एकै दिनमा धेरै अनुमतिपत्र छपाइकै लागि ‘मास प्रिन्टर’ खरिद गर्न लागेको छ। ‘मास प्रिन्टर’ को एक दिनमा सातदेखि आठ हजारसम्म ‘स्मार्ट’ चालक अनुमतिपत्र छपाइ गर्ने क्षमता छ। उनले भने, “अहिलेभन्दा तेब्बर क्षमताको उपकरण हुँदा त्यसले अहिले रहेको समस्या हटाउन सक्नेछ।”

देशभरका कार्यालय विभागअन्तर्गत गए पनि अनुमतिपत्र छपाइ र सफ्टवेयरको काम भने विभाग आफैँले गरिरहेको छ। यातायात व्यवस्था कार्यालय, वाग्मती कार्यालयले भने झण्डै १३ महिनादेखिको चालक अनुमतिपत्र वितरण गर्न बाँकी रहेको बताउँदै आएको छ।

तपाइको विचार व्यक्त गर्नुहोस्

हाम्रो सुझाव

थापालाई उद्योग वाणिज्यको सहयोग

पुल बनेन -सेवाग्राहीलाई सास्ती

शान्ति कोषलाई १३ लाख बढी सहयोग

लेकसाइडमा पूरै अप्रेसन गर्न आईजी खनालको निर्देशन

खुत्रुकेको पैसा आश्रममा

प्रमुख समाचार

प्रधानमन्त्रीको कार्यभार पोखरेललाई

थप प्रमुख समाचार