साफ महिला फुटबल प्रतियोगितामा नेपालको विजयी शुरुवात

Avatar आदर्श समाज सम्वाददाता
फागुन २९, २०७५

पोखरा, २९ फागुन । साफ महिला फुटबल प्रतियोगितामा नेपालले विजयी शुरुवात गरेको छ ।

विराटनगरको सहिद रंगशालामा मंगलबारको उद्घाटन खेलमा नेपालले भूटानलाई शून्यका विरुद्ध ३ गोलले पराजित ग¥यो ।खेल शुरुवाती १३ औँ मिनेटमा नेपालकी मैनालीकुमारी योञ्जनले गोल गरेर टोलीका लागि खाता खोलिन् । त्यसको केही मिनेटपछि नै स्ट्राइकर सावित्रा भण्डारीले अर्को गोल गरेरे टोलीलाई दोब्बर अग्रता दिलाइन् ।

मध्यान्तरपछिको शुरुवाती मै निरु थापाले तेस्रो गोल गरेर टोलीको जित निश्चित गरिन् । बुधबारको खेल भारत र माल्दिभ्सबीच हुने छ ।

खेलकुदको संस्थागत विकासमा सरकार प्रतिबद्ध छ : ‘प्रचण्ड’

नेपाल कम्युनिष्ट पार्टी(नेकपा)का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले खेलकूदको संस्थागत रुपमा विकास गर्न सरकार प्रतिबद्ध रहेको बताएका छन् ।

अखिल नेपाल फुटबल संघद्वारा विराटनगरको शहीद रंशालामा आयोजित महिला साफ फुटबल च्याम्पियनसीप प्रतियोगिताको उद्घाटन गर्दै उनले सरकारले स्थानीय तहबाटै खेलकूदको जग बसाल्ने गरी योजना अघि बढाउने बताए ।

अध्यक्ष दाहालले नेपालमा पहिलो पटक भइरहेको अन्तराष्ट्रिय महिला फुटबल प्रतियोगिताले विराटनगरको मात्र नभई देशकै गौरव बढेको उल्लेख गरे । ‘राष्ट्रिय एकता बलियो बनाउन र स्वास्थ्यको लागि पनि खेलकूदको ठूलो भूमिका छ,’ अध्यक्ष दाहालले स’झाव दिए, ‘नेपाली महिला फुटबल खेलाडीले आफूलाई शक्तिशाली बनाउन खेलमा अझै सुधार गर्दै जानुपर्ने छ ।’

प्रदेश नं १ का मुख्यमन्त्री शेरधन राईले तीनवटै सरकारको प्राथमिकतामा खेलकूद रहेको बताए । उनले विराटनगरलाई खेलकूदको राजधानी बनाउने योजनासाथ अघि बढाए ।विराटनगर महानगरपालिकाका प्रमुख भीम पराजुलीले यो प्रतियोगिता विराटनगरमा हुनु नै ठूलो उपलब्धी रहेको बताए ।

आयोजक अखिल नेपाल फुटबल संघका अध्यक्ष कर्माछिरिङ शेर्पाले फुटबल जस्ता खेलले देशको प्रतिष्ठा बढाउन र खेलाडीलाई व्यावसायिक बन्न मद्दत गरेको बताए ।

तपाइको विचार व्यक्त गर्नुहोस्

हाम्रो सुझाव

तीज मेलामा गण्डकी प्रदेश स्तरीय छेलो

खेलाडीलाई ५० हजारसम्मको स्वास्थ्य उपचार बीमा

आइसीसीको वरीयतामा नेपाल ११ औं स्थानमै यथावत

प्रधान सेनापति ट्रफी प्रतियोगिता शुरु

लामा अमृत फाउन्डेसनद्वारा भलिवल

प्रमुख समाचार

प्रधानमन्त्रीको कार्यभार पोखरेललाई

थप प्रमुख समाचार