पोखरामा राप्रपाको मेची–महाकाली स्वाभिमान यात्रा

आदर्श समाज सम्वाददाता
फागुन २८, २०७५
Mechi-Mahakali

पोखरा, २८ फागुन । राष्ट्रिय प्रजातन्त्र पार्टीको मेची–महाकाली स्वाभिमानको यात्रा मंगलबार पोखरा आइपुगेको छ ।

फागुनको १५ गते पूर्र्वको ताप्लेजुङ जिल्लाको पाथीभरा मन्दिरबाट शुरु गरेको यात्रा पश्चिम महाकालीको कञ्चनपुर पुगेर पोखरा आई पुगेको हो ।

स्वाभिमानको यात्रा पोखरा आइपुग्दा राप्रपा जिल्ला समिति कास्कीले आसभाको आयोजना ग¥यो । कार्यक्रमलाई सम्बोधन गर्दै पार्टी अध्यक्ष कमल थापाले राष्ट्रिय एकताको रुपमा देशलाई विश्वमा चिनाउन स्वाभिमान यात्रा थालिएको बताए । यात्राले गाउँघर ब्युँझने र जनताहरु जागरुक हुने थापाले विश्वास व्यक्त गरे ।

उनले हिन्दू राष्ट्र कायम गर्न र लोकतन्त्रसहितको राजसंस्था स्थापना गर्न स्वाभिमानको यात्रा शुरु भएको जनाए । उनले विदेशीहरुको दवावमा परेर राजनीतिक दलका नेतृत्वले हिन्दू धर्मको वेवास्ता र राजसंस्थालाई विस्थापित गरेको आरोप लगाए ।

उनले १२ वर्षे राजनीतिक अभ्यासमा राष्ट्रिय विखण्डन, गरिवी र बेरोजगारी समस्या, लोकतन्त्रको नाममा लुटतन्त्र, धर्म र संस्कृतिमाथि प्रहार, सर्वसत्तावादी सोंच र पुनः माओवादी शक्तिको उदय गराएको उल्लेख गरे ।
राप्रपाले मध्यमार्गी विकल्पलाई अघि सारेको उनको भनाई थियो ।

‘माओवादीलाई शान्तिको मूलधारमा ल्याउने वहानामा मुलुकबाट राजसंस्था र हिन्दू राष्ट्र खोसिएको छ,’ उनले भने, ‘देश हिन्दू राष्ट्र बन्नुपर्छ । राजसंस्थालाई कायम राख्नुपर्छ ।’

पार्र्टीका नेता बुद्धिमान तामाङले राजसंस्थासहितको लोकतन्त्र, धर्म, परम्परा, राष्ट्रिय पहिचान र एकताका लागि सरकारलाई दवाव दिन स्वाभिमानको यात्रा शुरु गरेको बताए । यात्रामा प्राप्त माया र सद्भावले राप्रपाको एजेण्डालाई स्थापित गर्न मद्दत पुग्ने तामाङको भनाई थियो ।

‘स्वाभिमान कुनै दल विशेष र धर्मको विरोधमा होइन,’ उनले भने, पार्टीले उठाएको एजेण्डालाई स्थापना गर्नका लागि हो । धर्म निरपेक्ष होइन, सापेक्ष बन्नुपर्छ । देशमा सापेक्ष हिन्दू राष्ट्र कायम हुनुपर्छ । धर्म निरपेक्षताले द्धन्द्ध निम्त्याउँछ ।’

अर्का नेता राजेन्द्र लिङ्देनले राष्ट्रिय पहिचानलाई राज्यले बचाउनुपर्नेमा जोड दिए । राप्रपाले देश बनाउने र देश बचाउने एजेण्डा लिएर अभियानमा हिँडेको बताए । उनले देशबाट हिन्दू राष्ट्रलाई जोगाई राख्ने पार्टी राप्रपामात्र भएको दावी गरे । आउने चुनावमा राप्रपालाई बलियो बहुमत दिनुपर्ने लिङ्देनको आग्रह थियो ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width