बुटवल २८ फागुन । स्वतन्त्र मधेस गठबन्धन रुपन्देहीले आफूहरुले आफ्नो बटमलाइन नबिर्सिएको भन्दै स्वतन्त्र मधेसको लागि निरन्तर अघि बढ्ने बताएको छ ।

गठबन्धनको रुपन्देही कार्यसमितीले मंगलबार भैरहवामा पत्रकार सम्मेलनको आयोजना गरी सरकारसँग भएको ११ बुँदे सहमतिबारे सार्वजनिक गरेको हो ।

हाम्रो जुन स्वतन्त्र मधेसको बटमलाइन छ ,त्यसलाई बिर्सिएका छैनौँ’, पत्रकार सम्मेलनमा रुपन्देहीका संयोजक भुपेन्द्र यादवले भने ।

उनले अन्तर्रा्ष्ट्रिय स्तरमा दर्ता गरिएका हाम्रा मुद्दाको विषयमा सरकारसँग कुनै सहमति नभएको भन्दै दुई नम्बर बुदाले आफूहरुलाई अन्तराष्ट्रिय स्तरमा जाने बाटोसमेत खुल्ला गरेको बताए ।

उनले सहमति अनुसार रुपन्देही जिल्लामा कुनै वाधा अवरोध नपु¥याउने भन्दै प्रक्रियागत र शान्तिपूर्ण रुपमा स्वराज आन्दोलन अगाडि बढाउने बताए ।

उनले भएका सहमतीलाई सरकार र आफूले कार्यान्वयन गरे मधेस र सम्रग देशको सम्वृद्धि हुने बताए । राजनितिक मुद्दा राजनितिक रुपमा समाधान गर्नुपर्ने भए पनि राजपाका नेता रेश्म चौधरीलाई जेल सजाए हुनु दुःखद विषय रहेको उनले बताए । उनले रेशम चौधरीको रिहाई (न्याय) को लागि गठबन्धन अघि बढ्ने बताए ।