शालिग्राम चोरी गर्ने पक्राउ

आदर्श समाज सम्वाददाता
फागुन २८, २०७५
stone-wallpapers-28059-4727699

पोखरा, २८ फागुन । मोदीवेणीधामबाट शालिग्राम शिला चोरी गर्ने तीन जना पक्राउ परेका छन्। फागुन ५ गते राति कुश्मा नगरपालिका–५ मोदीवेणीधाममा रहेको नृसिंह मन्दिरबाट शालीग्राम शीला चोरीमा संलग्न चार जनामध्ये तीन जना पक्राउ परेका हुन्।

पक्राउ पर्नेमा कुश्मा नगरपालिका–४ का २८ वर्षीय कसम पुन, वडा नं ६ का २९ वर्षीय सुमन गुरुङ र वडा नं १० का ३२ वर्षीय लेखबहादुर नेपाली रहेका छन्।

चोरीका मुख्य योजनाकार धादिङ, निलकण्ठ–१० घर भई हाल कुश्मा नगरपालिका–५ बस्ने अञ्जान बराईली फरार रहेको प्रहरी नायब उपरीक्षक भुवनेश्वर तिवारीले जानकारी दिए । प्रहरीले गत फागुन २६ गते पुनको कोठामा लुकाइराखेको अवस्थामा एक थान शालीग्राम शीला बरामद गरेको थियो।

पुनकै बयानका आधारमा प्रहरीले अन्य दुई जनालाई पक्राउ गरेको हो। प्रहरीले कुश्मा नगरपालिका–४ कालीगण्डकी छमर्के सामुदायिक बनमा ३७ थान शालीग्राम शीला लुकाएको अवस्थामा बरामद गरेको हो । घटनाबारे थप अनुसन्धान भइरहेको छ।

Related News

सम्बन्धित समाचार

hero news full width