पोखरा २६ फागुन । नेपालको उत्तरतर्फ तिब्बत (भोट)सँग र दक्षिणतर्फ तत्कालीन बृटिस सेनासँग लडेर बहादुरी कमाएका गण्डकी प्रदेशका दुई लडाकु सुब्बा नाथु/प्रल्हादलाई राष्ट्रिय विभूति घोषणा गर्न माग गरिएको छ।

रिभानचौर नाथु प्रल्हाद ङेह्रो पैंगिलामा (गुरुङ) परिवार समिति कास्कीले पोखरामा आइतबार आयोजित पत्रकार सम्मेलनमा उक्त माग गरेको हो।

समितिको रजत जयन्ती समारोहको तयारी बारे आयोजित पत्रकार सम्मेलनमा अध्यक्ष क्या.डम्बरबहादुर गुरुङले भने– ‘भीमसेन थापा, अमरसिह थापासंगै रण मैदानमा बहादुरी देखाएका कास्की रिभानचौरका दुई लडाकु सुब्बा नाथु गुरुङ र सुब्बा प्रल्हाद गुरुङलाई पनि विभूति घोषणा गरियोस्’।