व्यावसायिक प्याराग्लाइडिङमा रोक

आदर्श समाज सम्वाददाता
फागुन २४, २०७५
Paragliding51-990×490

लमजुङ, २३ फागुन। लमजुङमा व्यावसायिक प्याराग्लाइडिङ उडान कार्य प्रशासनको हस्तक्षेपपछि रद्ध भएको छ।

प्याराग्लाइडिङ उडानलाई जिल्लामा जारी छैटौं लमजुङ महोत्सवको महत्वपूर्ण उपलब्धिको रुपमा लिइएको भए पनि २ उडानमात्र उडान सम्भव भएको छ।

वेशीसहरस्थित ब्रदर्श अन्नपूर्ण टुर एन्ड ट्राभल्सले पोखराबाट पाइलट झिकाएर गरेको परीक्षण उडान सफल भएपछि व्यावसायिक रूपमा उडान थाल्न ट्राभल्सलाई जिल्ला दिइएको थियो।

पोखराबाट ५ जना संयुक्त उडान भर्ने पाइलट ल्याएर व्यावसायिक उडान थालिएको थियो। फागुन १९ देखि २९ सम्म चल्ने लमजुङ महोत्सवको पाँच दिन बितिसक्दा मात्र २ उडान भएका हुन्।

लमजुङ महोत्सव हुने भएपछि दुई महिना अघि परीक्षण गरिएको थियो। परीक्षण सफल भएपछि व्यावसायिक रूपमा उडान भर्न शुरु गर्ने महोत्सवको मुल उद्देश्यमध्ये एक रहेको महोत्सव आयोजक मूल समारोह समितिका संयोजक एवम् लमजुङ उद्योग वाणिज्य संघका अध्यक्ष राजेश थापाले बताए। उनका अनुसार वेशीसहरा– ६, मकैडाँडाको पोखरीडाँडाबाट उडान भर्ने र मस्र्याङ्दी नदी पारी रहेको वेशीशहर नगरपालिका–१० स्थित बाँझाखेतको भोटेफाँटमा अवतरण गर्ने गरिएको छ। ४५ मिनेटका लागि पाँच हजार रुपैयाँ शुल्क तोकिएको छ।

‘दैनिक १२/१५ जनाले नाम दर्ता गर्नुभएको थियो, महोत्सवका बेलामा यस्ता उडान सबै ठाउँमा हुने गर्दछन्, संघका अध्यक्ष थापाले भने। उनका अनुसार प्रजिअलाई अनुमति छैन भन्ने पहिले नै थाहा थियो तर हिजो आएर एकाएक नचलाउनु भन्ने प्रशासनबाट आदेश आयो।

यसबारेमा प्रजिअ झंकनाथ ढकालले भने, ‘लमजुङ अलिक जोखिमयुक्त छ।

यहाँ विद्युत्को तीन थरी प्रशारण लाइन छन्, दुर्घटना भएमा त्यसको जवाफ कस्ले दिने? अनुमति लिएर चलाउनुस् भनेको हो, रोकेको होइन।’

लमजुङ उद्योग वाणिज्य संघका अध्यक्ष राजेश थापाले व्यावसायिक प्रवद्र्धनका लागि केही गरौँ भन्ने सोचमा प्रशासनले रोक लगाएको आरोप लगाए।

महोत्सव उद्घाटन मुख्यमन्त्री पृथ्वीसुब्बा गुरुङले गरेका थिए।

Related News

सम्बन्धित समाचार

  • गोल्डेन सहकारीको रक्तदान

    आदर्श समाज सम्वाददाता मंसिर १७, २०७९
    पोखरा। गोल्डेन बचत तथा ऋण सहकारी संस्था लि., पोखराले १४ औं वार्षिकोत्सव अवसरमा शनिबार रक्तदान कार्यक्रम गरेको छ । कार्यक्रममा…
  • १८ औं संस्करणको लेखनाथ महोत्सव तयारी

    रामशरण नेपाली मंसिर १७, २०७९
    लेखनाथ, १७ मंसिर । लेखनाथ उद्योग वाणिज्य संघले पुस पहिलो सातादेखि १८ औं संस्करणको लेखनाथ महोत्सव–२०७९ गर्ने भएको छ । शनिवार…
  • एड्भान्स कुकिङ तालिमका सहभागीलाई प्रमाणपत्र

    आदर्श समाज सम्वाददाता मंसिर १७, २०७९
    गोरखा । गोरखा जिल्लाको गोरखा बजारमा आयोजित एक हप्ते एड्भान्स कुकिङ तालिमका सहभागीलाई हालै प्रमाणपत्र वितरण गरिएको छ । होटल…
  • पाेखरामा औद्योगिक व्यापार मेला सुरू

    आदर्श समाज सम्वाददाता मंसिर १६, २०७९
    पोखरा । राष्ट्रिय औद्योगिक व्यापार मेला शुक्रबारदेखि पोखरामा सुरु भएको छ । पोखरा उद्योग वाणिज्य संघको आयोजनामा १६ देखि २५…
  • १८ औं लेखनाथ महोत्सव : दिनहुँ छलफल र बैठक

    आदर्श समाज सम्वाददाता मंसिर १४, २०७९
    लेखनाथ । ‘महोत्सव लेखनाथको संस्कृति, स्थानीय उत्पादन, विकास र समृद्धि’ नाराका साथ आयोजना हुने १८ औं लेखनाथ महोत्सव तयारी तीव्र…

hero news full width