साफ महिला च्याम्पियनसिपमा २० सदस्यीय नेपाली टोलीको घोषणा

narayan shahi नारायण शाही
फागुन २३, २०७५

पोखरा, २३ फागुन । फागुनको अन्तिम साता विराटनगरमा हुने साफ महिला च्याम्पियनसिपको लागि टोलीको घोषणा गरिएको छ । मुख्य प्रशिक्षक हरि खड्काले विहिबार महिला साफ च्याम्पियनसिपको २० सदस्यीय टोलीको घोषणा गरेका हुन् ।

टोलीमा गोलरक्षक एन्जिला तुम्बापो सुब्बा, अञ्जना रानामगर, उषा नाथ, डिफेन्डरमा हिराकुमारी भुजेल, गीता राना, पुनम जर्घामगर, अमृता जैसी, कविता धिमाल, पुजा राना, मनमाया लिम्बुले छन् । मिडफिल्डरमा अनिता बस्नेत, दिपा राई, मन्जली कुमारी योन्जन, शर्मिला थापा, सरु लिम्बु, रेनुका नगरकोटे, अनिता केसी छन् । त्यस्तै, फरवार्डमा रेखा पौडेल, निरु थापा (कप्तान) सावित्रा भण्डारी छन् ।

मुख्य प्रशिक्षक खड्काले घोषणा गरेको टोलीमा यसअघिको नेपाली राष्ट्रिय महिला टोलीकी नियमित कप्तान अनु लामा परेकी छैनन् । अन्तिम टोलीमा अनुको अनुपस्थितिमा निरु थापाले कप्तानी सम्हाल्ने भएकी छन् । अनुसँगै मिडफिल्डर विमला चौधरी र डिफेन्डर सुनिता चौधरी टोलीमा पर्न सकेनन् । फागुन २८ देखि सुरु हुने साफ च्याम्पियनसिपमा नेपालको समूहमा भुटान र बंगलादेश रहेका छन् । अनु एपीएफबाट खेल्दै आएकी छिन् भने सुनिता र विमला आर्मीका खेलाडी हुन् ।

तपाइको विचार व्यक्त गर्नुहोस्

हाम्रो सुझाव

तीज मेलामा गण्डकी प्रदेश स्तरीय छेलो

खेलाडीलाई ५० हजारसम्मको स्वास्थ्य उपचार बीमा

आइसीसीको वरीयतामा नेपाल ११ औं स्थानमै यथावत

प्रधान सेनापति ट्रफी प्रतियोगिता शुरु

लामा अमृत फाउन्डेसनद्वारा भलिवल

प्रमुख समाचार

प्रधानमन्त्रीको कार्यभार पोखरेललाई

थप प्रमुख समाचार