बागलुङ, २२ फागुन । जिल्ला प्रहरी कार्यालय बागलुङको प्रहरी प्रमुखको जिम्मेवारी कृष्णहरि शर्मा पोखेरेलले समालेका छन् ।
प्रहरी प्रमुखको रुपमा कार्यभार सम्माले लगत्तै उनले पत्रकार सम्मेलन गरी नागरिकको सुरक्षाका लागि आफूले काम गर्ने बताएका छन् । साथै बुधवार उनलाई बागलुङ उद्योग बाणिज्य संघले स्वागत समेत गरेको छ ।

घरेलु मदिरालाई ब्यबस्थित गरी गुणस्तरीय बनाउन जरुरी रहेको प्रहरी प्रमुख शर्माले बताए । मदिराको कारणले हुने अपराधलाई रोक्न आफू लागि पर्ने भनाई एस्पी शर्माले भने ।

बागलुङलाई सुरक्षित बागलुङ बनाउन सीसी क्यामराले महत्वपूर्ण भूमिका खेल्ने भनाइृ उनको छ । उक्त स्वागत कार्यक्रमको अध्यक्षता बागलुङ उद्योग बाणिज्य संघका अध्यक्ष युवराज राजभण्डारीले गरेका थिए ।