काहुँको केदारेश्वर मन्दिर उद्घाटन

आदर्श समाज सम्वाददाता
फागुन २२, २०७५
kahun_Fotor

पोखरा, २१ फागुन। पोखरा–११, काहुँमा नवनिर्मित केदारेश्वर महादेवमणि मन्दिर महाशिवरात्रि अवसरमा उद्घाटन गरिएको छ।

प्र्रमुख अतिथि केदारेश्वर महादेवमणि सेवाश्रम बैदामका पीठाधीश डा लेखनाथ आचार्यले उद्घाटन गर्दै हिन्दू धर्म सर्वश्रेष्ठ धर्म रहेको बताए। उनले कहीकतैबाट यस धर्मप्रति विचलन हुन नदीन सबै सचेत रहनुपर्ने बताए।करिब तीन रोपनी क्षेत्रफलमा १६ लाख रुपैयाँ लागतमा निर्माण भएको उक्त मन्दिर विसं १९८४ सालमा केदार गिरीले निर्माण गरेका थिए।

मन्दिर समिति अध्यक्ष खुमकुमारी रायमाझीको अध्यक्षतामा भएको कार्यक्रममा निर्माण संयोजक तीर्थबहादुर बस्नेत, समाजसेवी एवम् चन्दादाता टीकाबहादुर कार्की, वडा सदस्य मीनबहादुर गुरुङ लगायतले शुभकामना व्यक्त गरेका थिए। चन्दादातालाई सम्मान गरिएको सो कार्यक्रममा कोषाध्यक्ष रामकृष्ण लामिछानेले आर्थिक प्रतिवेदन पेस गरेका थिए। यस्तै, समिति उपाध्यक्ष वीरेन्द्रबहादुर बस्नेतले स्वागत र सचिव काशिनाथ लामिछानेले संचालन गरेका थिए।

Related News

सम्बन्धित समाचार

hero news full width