पोखरा, २१ फागुन। पोखरा—२२ को घैयाखेतमा ४५ लाखको लागतमा ज्योर्तिलिङ् शिवालय मन्दिर निर्माण सुरु गरिने भएको छ। महाशिवरात्रीको अवसर पारेर लिलाभक्त फाउण्डेशनका अध्यक्ष लिलाभक्त आचार्यले सिलान्यास गरेका हुन्।

उक्त स्थान पोखरा—२२ भएपनि मन्दिर छोरेपाटन नजिकै हुँदा २०४३ सालमा स्थानीय प्रविधिबाट निमार्ण गरी पूजा आजा गर्दै आई रहेकोमा २०७४ मा विधिवत दर्ता गरी मन्दिरको स्वरुप परिवर्तन गर्न लागिएको हो। प्यागोडा शैलीमा निर्माण हुने उक्त मन्दिरको लागत स्टिमेट करिब ४५ लाख रहेको निर्माण समितिले जनाएको छ।

मन्दिरको सिलन्यास गर्दै आचार्यले आफ्नो मन्दिर यो क्षेत्रकै ज्योतिस्वरुपको मन्दिर निर्माण गरिने र त्यसका लागि स्थानीय बासिन्दाहरुको सहयोग आवश्यक पर्ने बताए। वडा नं १७ का वडाध्यक्ष तिर्थराज अधिकारीले मठ मन्दिर, पाटी पौवा, चौतारी जस्ता धार्मिक आस्था बोकेका बस्तुहरु निर्माण गर्नु, त्यसको संरक्षण गर्नु मानव धर्म भित्र पर्ने बताए।

पर्यटकीय गन्तव्य समेत रहेको मन्दिर कलात्मक रुपमा निर्माण गर्न व्यक्तिगत तथा संस्थागत रुपमा हरेक क्षेत्रवाट सहयोग गर्ने प्रतिवद्धता व्यक्त गरे।

मन्दिर व्यवस्थापन समितिका अध्यक्ष धर्मराज अर्यालले करिव ४५ लाखको लागतमा कलात्मक मन्दिर निर्माण गरिने बताए। मन्दिर निर्माणका लागि वडा तथा सर्वसाधारणवाट सहयोग समेत प्दान भइरहेको वताइएको छ। गुप्तेश्वर गुफा व्यवस्थापन समितिका अध्यक्ष विष्णुप्रसाद पौडेलले मन्दिर संरक्षणका साथमा दैनिक पूजा चलाउनु चुनौती भएको बताए।