रवीन्द्र अधिकारीका अधुरा कार्यलाई पुरा गर्न जोड

adarsha samaj आदर्श समाज संवाददाता
फागुन २१, २०७५
photo 21


पोखरा, २१ फागुन । गण्डकी प्रदेशका मुख्यमन्त्री पृथ्वीसुब्बा गुरुङले रवीन्द्र अधिकारीका अधुरा कार्यलाई पुरा गर्न तीन तहका सरकार सक्रिय हुनु पर्नेमा जोड दिएका छन् ।

हेलिकोप्टर दुर्घटनामा परी निधन भएका रवीन्द्र अधिकारीको सातौ दिन मंगलबार नेकपा कास्कीद्धारा मालेपाटन स्थित अधिकारीको निवासमा आयोजित श्रद्धाञ्जलि सभामा बोल्दै मुख्यमन्त्री गुरुङले भने —मन्त्री अधिकारीले सुरु गरेको पोखरा, गौतमबुद्ध र निजगढ विमानस्थल समयमा नै सम्पन्न गर्ने तर्फ सरकार लाग्नु पर्छ ।

पर्यटन क्षेत्रको विकासमा उनले अतुलनीय योगदान छ, मुख्यमन्त्री गुरुङले भने— सन् २०२० मा मुलुकमा २० लाख पर्यटक भित्र्याउने अधिकारीको योजनालाई साकार पार्नुपर्छ । रवीन्द्र अधिकारी पार्टीका कार्यकर्ता भित्र पनि लोकप्रिय भएकाले उनलाई पार्टीले प्रशिक्षणमा खटाउदै आएको र अधिकारको लागि आफ्नै पार्टीका अध्यक्षसँग समेत प्रतिवाद गर्थे ।

नेकपा गण्डकी प्रदेशका सहइञ्चार्ज एवं पूर्वमन्त्री खगराज अधिकारीले रवीन्द्रका अधुरा कार्यलाई पुरा गर्न नेकपा र सरकार संगठित रुपमा लाग्नु पर्नेमा जोड दिए । रवीन्द्र अधिकारीले पार्टीलाई बलियो वनाउन महत्वपूर्ण भूमिका खेलेको र उनको मृत्युले पार्टीलाई ठूलो नोक्सान पु¥याएको बताए ।

नेकपा गण्डकी प्रदेशका अध्यक्ष हितराज पाण्डेले सकरात्मक सोचका धनी रवीन्द्र अधिकारीका शेकलाई शक्तिमा वदल्नु पर्नेमा जोड दिए । देशको समृद्धिका लागि सधै चिन्तित नेता अधिकारी समाज रुपमान्तरणका लागि क्रियाशील थिए ।
मन्त्री अधिकारीकी धर्मपत्नी विद्या भट्टराईले सरकार, नेकपा र आम समुदायले स्वर्गीय अधिकारी र परिवारप्रति देखाएको माया र सहानुभूतिप्रति आभार व्यक्त गर्दै रवीन्द्रले अघि सारेका विकास निर्माणलाई पूर्णता दिन आग्रह गरिन् । उक्त श्रद्धाञ्जलि सभामा स्वर्गीय अधिकारीका परिवारलाई पार्टीको तर्फबाट समवेदना–पत्र प्रदान गरिएको थियो ।

नेकपा कास्कीका संयन्त्र सदस्य दीपक कोइरालाको अध्यक्षतामा भएको उक्त श्रद्धाञ्जलि सभामा पार्टीका नेता एवं मन्त्रीहरुले कार्यकर्ता, सार्वसाधारण, स्वर्गीय अधिकारीका बुबा इन्द्रप्रसाद, आमा लक्ष्मीदेवी, धर्मपत्नी विद्या भट्टराई छोराहरु विराज र स्वराज, विपक्षी दलका नेता तथा कार्यकर्ताले स्वर्गीय अधिकारीको तस्वीरमा फूलमाला चढाएका थिए । फागुन १५ गते ताप्लेजुङमा हेलिकप्टर दुर्घटनामा परी निधन भएका अधिकारीको १७ गते सेती नदीस्थित रामघाटमा राजकीय सम्मानका साथ अन्त्येष्टि गरिएको थियो ।

Related News

सम्बन्धित समाचार

    • संसद बैठकः सत्तापक्षको बेन्च झमेला

      rss रासस फागुन १६, २०७७
      काठमाडौँ, १६ फागुन | सर्वोच्च अदालतको प्रतिनिधिसभा पुनःस्थापनाको आदेशानुुसार प्रतिनिधिसभाको सातौँ अधिवेशन अबको आठ दिनभित्रै बस्दैछ । मन्त्रिपरिषद्को शुुक्रबारको बैठकले…
    • स्याङ्जाको बिरुवा–४ खुदीमा ६७ जना कांग्रेस प्रवेश

      Avatar आदर्श समाज सम्वाददाता फागुन १५, २०७७
      पोखरा । स्याङ्जा जिल्लाको बिरुवा गाउपालिका वडा नम्बर ४ खुदी गाउँबाट आज नेकपा परित्याग गरि ६७ जना नेपाली नेपाली कांग्रेस…
    • प्रतिनिधिसभा बैठक २३ गते बोलाउन सिफारिस

      Avatar आदर्श समाज सम्वाददाता फागुन १४, २०७७
      काठमाडौं । सरकारले फागुन २३ गते प्रतिनिधिसभाको बैठक बोलाउन सिफारिस गर्ने निर्णय गरेको छ । प्रधानमन्त्री निवास बालुवाटारमा शुक्रबार साँझ…
    • विप्लव नेकपा मुस्ताङ इन्चार्ज पक्राउ

      Avatar आदर्श समाज सम्वाददाता फागुन १४, २०७७
      म्याग्दी। सरकारद्वारा प्रतिबन्धित नेकपा नेत्रविक्रम चन्द (विप्लव) समूहका मुस्ताङ जिल्ला इन्चार्ज पदम पुन (फिल्टर) पक्राउ परेका छन् । म्याग्दीको मालिका गाउँपालिका–२…
    • जनयुद्धका सहिदको सम्झना

      Avatar आदर्श समाज सम्वाददाता फागुन १४, २०७७
      हेमजा । गण्डकी प्रदेश भूमि व्यवस्था, कृषि तथा सहकारी मन्त्री लेखबहादुर थापामगरले सहिदको बलिदानीले देशमा धेरै उपलब्धि हासिल हुन सकेको बताएका…

    hero news full width

    sanil ads

    wordlink ads